பச்சை மொச்சையில் அதிகளவும் சத்துக்கள் உள்ளது. கிராமங்களில் பச்சை மொச்சை குழம்பு மிகவும் பிரபலம். இன்று பச்சை மொச்சை குழம்பு செய்முறையை பார்க்கலாம்.
கிராமத்து சமையல்: பச்சை மொச்சை குழம்பு
தேவையான பொருட்கள்
பச்சை மொச்சை – 1/2 கிலோ
சின்ன வெங்காயம் – 200 கிராம்
பச்சை மிளகாய் – 3
தக்காளி – 3
கறிவேப்பிலை – ஒரு கொத்து
தேங்காய் துருவல் – அரை கப்
குழம்பு மிளகாய் தூள் – இரண்டு டீஸ்பூன்
கடுகு, உளுந்து – 1/2 டீஸ்பூன்
எண்ணெய் – 3 டீ ஸ்பூன்
கறிவேப்பிலை – சிறிதளவு
செய்முறை :
* வெங்காயம், தக்காளி, ப.மிளகாயை பொடியாக நறுக்கி கொள்ளவும்.
* பச்சை மொச்சையை சிறிதளவு உப்பு, பச்சை மிளகாயுடன் சேர்த்து வேகவைத்துக் கொள்ளவும்.
* வாணலியில் சிறிது எண்ணெய் ஊற்றி சூடானதும் சிறிது சின்ன வெங்காயம், கறிவேப்பிலை சேர்த்து வதக்கவும்.
* வெங்காயம் நன்றாக வதங்கியதும் குழம்பு மிளகாய் தூள் சேர்த்து வதக்கவும்.
* அடுத்து அதில் தேங்காய் துருவல் சேர்த்து வதக்கி ஆற வைத்து மிக்சியில் போட்டு நைசாக அரைத்து கொள்ளவும்.
* வாணலியில் எண்ணெய் ஊற்றி சூடானதும் கடுகு, உளுந்து, கறிவேப்பிலை போட்டு தாளித்த பின் சின்ன வெங்காயம் போட்டு வதக்கவும்.
* வெங்காயம் நன்றாக வதங்கியதும் தக்காளியை சேர்த்து குழையும் வரை வதக்கவும்.
* தக்காளி நன்றாக குழைந்ததும் அதில் அரைத்த கலவையை போட்டு வதக்கவும்.
* அடுத்து அதில் வேகவைத்த மொச்சையை சேர்த்து தண்ணீர் ஊற்றி கொதிக்க விடவும். உப்பு சரிபார்த்து கொள்ளவும்.
* குழம்பு கொதிக்கும் போது 1 ஸ்பூன் நல்லெண்ணைய் ஊற்றி அடுப்பை மிதமாக எரிய விடவும்.
* குழம்பு ஓரங்களில் எண்ணெய் பிரிந்து கிரேவி பதத்திற்கு வந்த உடன் இறக்கவிடவும்.
* சுவையான பச்சை மொச்சை குழம்பு ரெடி.
* சூடான சாதத்திற்கோ, இட்லிக்கோ ஊற்றி சாப்பிட சூப்பராக இருக்கும்.