சத்து நிறைந்த அவகோடா டோஸ்ட்

டயட்டில் இருப்பவர்கள், வயதானவர்கள், இளம் தலைமுறையினர் அனைவருக்கும் இந்த டோஸ்ட் மிகவும் நல்லது. இன்று இந்த டோஸ்ட்டை எப்படி செய்வது என்று பார்க்கலாம்.

சத்து நிறைந்த அவகோடா டோஸ்ட்
தேவையான பொருட்கள் :

பழுத்த அவகோடா – ஒன்று,
வெங்காயத்தாள் – ஒன்று
பச்சை மிளகாய் – ஒன்று ,
மிளகுத்தூள் – அரை டீஸ்பூன்,
எலுமிச்சைச் சாறு – 2 டேபிள்ஸ்பூன்,
கொத்தமல்லித்தழை – சிறிதளவு,
வெண்ணெய் – ஒரு டேபிள்ஸ்பூன்,
கோதுமை பிரட் ஸ்லைஸ் – 4,
உப்பு – தேவையான அளவு.

செய்முறை :

* வெங்காயத்தாள், கொத்தமல்லி, ப.மிளகாயை பொடியாக நறுக்கி கொள்ளவும்.

* அவகோடாவின் சதை பகுதியை மட்டும் எடுத்து தனியாக வைக்கவும்.

* ஒரு பாத்திரத்தில் அவகோடா, வெங்காயத்தாள், பச்சை மிளகாய், கொத்தமல்லித்தழை, உப்பு, மிளகுத்தூள், எலுமிச்சைச் சாறு சேர்த்து மசிக்கவும்.

* பிரட்டின் மீது வெண்ணெய் தடவி வைக்கவும்.

* தோசைக்கல்லை அடுப்பில் வைத்து சூடானதும் பிரட் ஸ்லைஸ்களை டோஸ்ட் செய்து எடுக்கவும்.

* டோஸ்ட் செய்த பிரெட்டின் மீது மசித்த அவகோடா கலவையைத் தடவிப் பரிமாறவும்.

* சத்து நிறைந்த அவகோடா டோஸ்ட் ரெடி.