சூப்பரான கோதுமை ரவை டோக்ளா

கோதுமை ரவையை வைத்து குழந்தைகளுக்கு விருப்பமான சத்தான டோக்ளா செய்வது எப்படி என்று பார்க்கலாம். இதை செய்வது மிகவும் எளிமையானது.

சூப்பரான கோதுமை ரவை டோக்ளா
தேவையான பொருட்கள் :

கோதுமை ரவை – ஒரு கப்,
பச்சை மிளகாய் – ஒன்று,
இஞ்சி – சிறிய துண்டு,
கொத்தமல்லி (நறுக்கியது) – ஒரு டேபிள்ஸ்பூன்,
புளித்த தயிர் – ஒரு டேபிள்ஸ்பூன்,
ஈனோ ஃப்ரூட்சால்ட் பிளெயின் – சிறிதளவு,
தேங்காய் துருவல் – ஒரு டேபிள்ஸ்பூன்,
எலுமிச்சைச் சாறு – அரை டீஸ்பூன்,
மஞ்சள்தூள் – ஒரு சிட்டிகை,
கடுகு – அரை டீஸ்பூன்,
சீரகம் – அரை டீஸ்பூன்,
பெருங்காயத்தூள் – ஒரு சிட்டிகை,
பொடித்த சர்க்கரை – அரை டீஸ்பூன்,
எண்ணெய், உப்பு – தேவையான அளவு.

செய்முறை :

* கோதுமை ரவையை சிறிது எண்ணெயில் லேசாக வறுத்தெடுக்கவும்.

* கொத்தமல்லியை பொடியாக நறுக்கி கொள்ளவும்.

* இஞ்சியை தோல் சீவி, பச்சை மிளகாயை காம்பு நீக்கி ஒன்றாக சேர்த்து விழுதாக அரைத்துக் கொள்ளவும்.

* கோதுமை ரவையை ஒரு பாத்திரத்தில் போட்டு. உப்பு, இஞ்சி – பச்சை மிளகாய் விழுது, ஈனோ ஃப்ரூட் சால்ட், மஞ்சள்தூள், பெருங்காயத்தூள், சீரகம் சேர்க்கவும்.

* இதனுடன் தயிர், சிறிதளவு தண்ணீர் சேர்த்து கெட்டி இட்லி மாவு பதத்தில் கரைத்து அரை மணிநேரம் ஊறவிடவும்.

* ஒரு இஞ்ச் குழிவுள்ள வட்ட தட்டில் எண்ணெய் தடவி, கரைத்த மாவை பரப்பவும். இட்லி பாத்திரத்தில் இதை 15 நிமிடம் ஆவியில் வேகவிடவும். வெந்ததும வெளியில் எடுத்து ஆறவைத்து துண்டுகள் போடவும்.

* கடாயை அடுப்பில் வைத்து எண்ணெய் ஊற்றி சூடானதும கடுகை எண்ணெயில் வெடிக்க விட்டு இதன் மேலே பரவலாக போடவும்.

* அடுத்து அதன் மேல் கொத்தமல்லி, தேங்காய் துருவலையும் பரவலாக தூவவும்.

* பொடித்த சர்க்கரையில் சிறிது தண்ணீர், எலுமிச்சைச் சாறு கலந்து மேலாக தெளிக்கவும்.

* கோதுமை ரவை டோக்ளா தயார்.

* இதை புதினா ஸ்வீட் சட்னியுடன் பரிமாறலாம்.