சாமை அரிசி சர்க்கரை நோயாளிகளுக்கு மிக சிறந்த உணவு. இது நீரழிவு நோயினை கட்டுப்படுத்தி வராமலும் தடுக்கிறது. சாமை அரிசியில் புலாவ் செய்வது எப்படி என்று பார்க்கலாம்.
சர்க்கரை நோயாளிகளுக்கு உகந்த சாமை அரிசி புலாவ்
தேவையான பொருட்கள் :
சாமை அரிசி – 2 கப்
வெங்காயம் – 2
பச்சைமிளகாய் – 3
இஞ்சி, பூண்டு விழுது – 1 தேக்கரண்டி
பச்சை பட்டாணி – கால் கப்
மிளகுதூள் – 2 தேக்கரண்டி
கேரட், பீன்ஸ் நறுக்கியது – 1 கப்
பிரிஞ்சி இலை, ஏலக்காய், பட்டை, கிராம்பு – தலா 2
எண்ணெய் – தேவையான அளவு
தேங்காய் பால் – 1 கப்
உப்பு – தேவையான அளவு
கொத்தமல்லி, புதினா – சிறிதளவு
செய்முறை :
* ப.மிளகாய், வெங்காயத்தை நீளவாக்கில் வெட்டிககொள்ளவும்.
* சாமை அரிசியை நன்றாக சுத்தம் செய்து கழுவி வைக்கவும்.
* கொத்தமல்லி, புதினாவை பொடியாக நறுக்கி கொள்ளவும்.
* குக்கரில் எண்ணெய் விட்டு சூடானதும் பிரிஞ்சி இலை, பட்டை, ஏலக்காய் மற்றும் கிராம்பை போட்டு தாளித்த பின் வெங்காயம், பச்சைமிளகாயை போட்டு நன்றாக வதக்கவும்.
* வெங்காயம் நன்றாக வதங்கிய பின்னர் இஞ்சி, பூண்டு விழுதை போட்டு வதக்கவும்.
* அடுத்து அதில் கேரட், பீன்ஸ், பச்சைபட்டாணி, மிளகுதூள், உப்பு சேர்த்து வதக்கவும்.
* காய்கறிகளை நின்றாக வதக்கிய பின்னர் சிறிதளவு தண்ணீர் சேர்த்து காய்களை வேகவிடவும்.
* காய்கறிகள் வெந்த பின் அதனுடன் சாமை அரிசியை சேர்த்து, தேங்காய் பாலை அதில் ஊற்றி குக்கரை மூடி விசில் போடாமல் 15 நிமிடம் குறைந்த அனலில் வேகவிடவும்.
* வெந்த பின் கொத்தமல்லி மற்றும் புதினா இலை சேர்த்து மெதுவாக கிளறிவிடவும்.
* சுவையான சாமை அரிசி புலாவ் தயார்.