குழந்தைகளுக்கு சத்தான ஒரு லன்ஞ் செய்து கொடுக்க விரும்பினால் மிளகு – வேர்க்கடலை சாதம் செய்து கொடுக்கலாம். இப்போது இந்த சாதத்தை எப்படி செய்வது என்று பார்க்கலாம்.
குழந்தைகளுக்கு சத்தான மிளகு – வேர்க்கடலை சாதம்
தேவையான பொருட்கள் :
சாதம் – 1 கப்,
மிளகு – 2 டேபிள்ஸ்பூன்
வறுத்த வேர்க்கடலை – கால் கப்,
கறிவேப்பிலை – சிறிது,
உப்பு – தேவைக்கு
கொத்தமல்லி தழை – சிறிதளவு
தாளிக்க:
கடலைப் பருப்பு,
உளுந்தம் பருப்பு – 2 டேபிள்ஸ்பூன்,
கடுகு – 1 டீஸ்பூன்,
நெய் – 2 டேபிள்ஸ்பூன்.
செய்முறை :
* கொத்தமல்லியை பொடியாக நறுக்கி கொள்ளவும்.
* சாதத்தை உதிரியாக வடித்து 1/2 டீஸ்பூன் நெய் கலந்து வைக்கவும்.
* வெறும் கடாயில் மிளகு, ஒரு டேபிள் ஸ்பூன் உளுந்தம் பருப்பு இரண்டையும் போட்டு வறுத்து பொடித்து கொள்ளவும்.
* கடாயில் நெய் விட்டு கடுகு, உளுந்து, கடலைப் பருப்பு, கறிவேப்பிலை போட்டு தாளித்து சாதத்தில் கொட்டி, பொடித்த மிளகு, உளுந்து பொடியை சேர்த்து வறுத்த வேர்க்கடலை, உப்பு சேர்த்து ஒரு புரட்டு புரட்டி கொத்தமல்லி தழை தூவி இறக்கவும்.
* சூப்பரான மிளகு வேர்க்கடலை சாதம் ரெடி.