சத்து நிறைந்த கேரட் – கம்பு அடை

தினமும் சிறுதானியங்களை உணவில் சேர்த்து கொள்வது நல்லது. இன்று சத்து நிறைந்த கேரட், கம்பு வைத்து சுவையான அடை செய்வது எப்படி என்று பார்க்கலாம்.

சத்து நிறைந்த கேரட் – கம்பு அடை
தேவையான பொருட்கள் :

கம்பு – 1 கப்
புழுங்கல் அரிசி – அரை கப்
உளுந்து – அரை கப்
வெந்தயம் – 2 ஸ்பூன்
துருவிய கேரட் – 1 ஸ்பூன்
வெங்காயம் – 1
ப.மிளகாய் – 2
கொத்தமல்லி – சிறிதளவு
நல்லெண்ணெய் – தேவைக்கு

செய்முறை :

* வெங்காயம். ப.மிளகாய், கொத்தமல்லியை பொடியாக நறுக்கி கொள்ளவும்.

* கம்பு, அரிசி, உளுந்து, வெந்தயத்தை 4 மணிநேரம் ஊற வைக்கவும்.

* உளுந்து, வெந்தயத்தை தனியாகவும், கம்பு, அரிசியை தனியாகவும் அரைத்து ஒன்றாக கலந்து உப்பு போட்டு 8 மணி நேரம் புளிக்க விடவும்.

* புளித்த மாவில் வெங்காயம், கேரட், ப.மிளகாய், கொத்தமல்லி போட்டு நன்றாக கலந்து கொள்ளவும்.

* தோசை கல்லை அடுப்பில் வைத்து சூடானதும் மாவு அடைகளாக ஊற்றி சுற்றி சிறிது எண்ணெய் ஊற்றி வெந்ததும் திருப்பி போட்டு எடுக்கவும்.

* சத்தான சுவையான கேரட் – கம்பு அடை ரெடி.