ஈசி கொத்து  புரோட்டா

என்னென்ன தேவை?

கோதுமை புரோட்டா – 5,
முட்டை – 2,
துருவிய கேரட் – 1 டேபிள்ஸ்பூன்,
பொடியாக அரிந்த பச்சைமிளகாய் – 2,
வெங்காயம் – 3,
கறிவேப்பிலை – சிறிது,
சோம்பு – 1/2 டீஸ்பூன்,
லெமன் சாறு – 1 டீஸ்பூன்,
இஞ்சி பூண்டு விழுது – 1 டீஸ்பூன்,
தக்காளி – 1/2,
மிளகாய் தூள் – 1/2 டீஸ்பூன்,
உப்பு – தேவைக்கு.

எப்படிச் செய்வது?

கோதுமை புரோட்டா மீந்துள்ளதை, சின்ன சின்ன துண்டுகளாக வெட்டவும். முட்டையில் சிறிது மிளகு, பச்சை மிளகாய், கேரட், உப்பு போட்டு தோசை போல் ஊற்றி சின்ன துண்டுகளாக வெட்டவும். ஒரு கடாயில் எண்ணெய் + வெண்ணெய் சேர்த்து கறிவேப்பிலை, சோம்பு, இஞ்சி பூண்டு விழுது சேர்த்து வதக்கவும். பிறகு வெங்காயம், தக்காளி சேர்த்து நன்கு வதக்கி மிளகாய் தூள், உப்பு தூவி வதக்கி வெட்டி வைத்துள்ள புரோட்டா, முட்டை சேர்த்து கிளறி சிறிது லெமன் சாறு தெளித்து கிளறி இறக்கவும். முட்டையை மசாலாவில் ஊற்றி வேகவைத்தும் புரோட்டா சேர்த்து கிளறலாம்.