தினமும் காலையில் சிறுதானிய உணவுகளை சாப்பிடுவது புத்துணர்ச்சியை தரும். இன்று கம்பு, பச்சைப்பயிறு வைத்து புட்டு செய்வது எப்படி என்று பார்க்கலாம்.
சத்தான கம்பு – பச்சைப்பயறு புட்டு
தேவையான பொருட்கள் :
கம்பு மாவு – ஒரு கப்,
முளைவிட்ட பச்சைப்பயறு, துருவிய வெல்லம், தேங்காய்த்துருவல் – தலா அரை கப்,
நெய் – ஒரு தேக்கரண்டி.
செய்முறை :
* வாணலியில் ஒரு தேக்கரண்டி நெய்விட்டு கம்பு மாவை வாசம் வரும் வரை வறுத்து, ஆறவிடவும்.
* ஒரு பாத்திரத்தில் அந்த மாவை போட்டு அதில் வெதுவெதுப்பான நீர் தெளித்து, கட்டி இல்லாமல் பிசிறவும்.
* புட்டு அச்சில் கம்பு மாவு, முளைப்பயறு, வெல்லம், தேங்காய்த்துருவல் என்ற துறையில் ஒன்றின் மேல் ஒன்றாக வைத்து 10 நிமிடங்கள் ஆவியில் வேகவைத்து எடுக்கவும்.
* சுவையான கம்பு – பச்சைப்பயறு புட்டு தயார்.