என்னென்ன தேவை?
கத்திரிக்காய் – 3
வாழைப்பூ – 50 கிராம்
லவங்கப்பட்டை – சிறு துண்டு
பொடியாக நறுக்கிய வெங்காயம் – அரை கப்
தக்காளி சாறு – 1 கப்
கடுகு – சிறிதளவு
இஞ்சி – பூண்டு விழுது – சிறிதளவு
மிளகாய்த் தூள் – 2 டீஸ்பூன்
மஞ்சள் தூள் – 1 டீஸ்பூன்
கறிவேப்பிலை, கொத்தமல்லி – சிறிதளவு
எண்ணெய், உப்பு – தேவையான அளவு.
எப்படிச் செய்வது?
கத்திரிக்காயை வெட்டி, லேசாக எண்ணெய் விட்டு வதக்கவும். நறுக்கிய வாழைப்பூவுடன் உப்பு, மஞ்சள்தூள் சேர்த்து கொதிக்கவிட்டு இறக்கவும். வாணலியில் சிறிதளவு எண்ணெய் விட்டு கடுகு, லவங்கப்பட்டை, கறிவேப்பிலை சேர்த்துத் தாளிக்கவும். பிறகு வெங்காயம், இஞ்சி – பூண்டு விழுது சேர்த்து வதக்கவும். பிறகு தக்காளி சாறு, மஞ்சள்தூள், மிளகாய்த் தூள், தேவையான உப்பு சேர்த்து கொதிக்க விடவும். வேகவைத்த வாழைப்பூ, வதக்கிய கத்திரிக்காய் சேர்த்துக் கிளறவும். கொத்தமல்லி சேர்த்து இறக்கவும்.