ப்ராக்கோலியைக் கொண்டு சூப் செய்து சாப்பிட்டால் அருமையாக இருக்கும். நீரிழிவு நோயாளிகளுக்கு ப்ராக்கோலி மிகவும் சிறந்த ஒரு உணவுப் பொருள்.
நீரிழிவு நோயாளிகளுக்கான ப்ராக்கோலி சூப்
தேவையான பொருட்கள் :
ப்ராக்கோலி – 1/2
பெரிய வெங்காயம் – 1
உருளைக்கிழங்கு – 1
பூண்டு – 4 பற்கள்
தண்ணீர் – 1/8 கப்
பால் – 1/4 கப்
உப்பு – தேவையான அளவு
மிளகுத் தூள் – 1 டீஸ்பூன்
செய்முறை :
* ப்ராக்கோலி, வெங்காயம், உருளைக்கிழங்கை பொடியாக நறுக்கி கொள்ளவும்.
* ப்ராக்கோலியை சுடுநீரில் போட்டு சிறிது நேரம் ஊற வைத்த, பின் அதில் உள்ள நீரை வடித்துவிட்டு, அதனை குக்கரில் போட்டுக் கொள்ள வேண்டும்.
* பின் அதனுடன் உருளைக்கிழங்கு, வெங்காயம் மற்றும் பூண்டு சேர்த்து சிறிது தண்ணீர் ஊற்றி அடுப்பில் வைத்து, 3 விசில் விட்டு இறக்கி, அதில் உள்ள நீரை வடித்து தனியாக வைத்துக் கொள்ள வேண்டும்.
* பின்பு குக்கரில் உள்ள அனைத்தையும் மிக்ஸியில் போட்டு நன்கு மென்மையாக அரைத்துக் கொள்ள வேண்டும்.
* பிறகு ஒரு வாணலியை அடுப்பில் வைத்து, அதில் பால் மற்றும் அரைத்து வைத்துள்ளதை சேர்த்து, அத்துடன் தனியாக எடுத்து வைத்துள்ள நீரை ஊற்றி, 2 நிமிடம் கொதிக்க விட வேண்டும்.
* கடைசியாக அதில் தேவையான அளவு உப்பு மற்றும் மிளகுத் தூள் சேர்த்து கிளறி இறக்கினால், ப்ராக்கோலி சூப் ரெடி!!! 