கொண்டை கடலையில் அதிகளவு சத்துக்கள் நிறைந்துள்ளது. கொண்டை கடலையை வைத்து சத்தான சாலட் செய்வது எப்படி என்று கீழே பார்க்கலாம்.
சுவையான சத்தான கொண்டை கடலை சாலட்
தேவையான பொருட்கள் :
வெள்ளை கொண்டை கடலை – 1/4 கிலோ
கேரட் – 1
வெங்காயம் – 3
தக்காளி – 3
எலுமிச்சை சாறு – 1 தேக்கரண்டி
வெள்ளரிக்காய் – 1
உப்பு – தேவையான அளவு
மிளகு தூள் – 1/2 தேக்கரண்டி
கொத்தமல்லி தழை – சிறிதளவு
சாட் மசாலா [ Chaat Masala] – 1 தேக்கரண்டி
செய்முறை :
* கேரட்டை தோல் நீக்கி துருவிக் கொள்ளவும்.
* வெங்காயத்தை நீளவாக்கில் வெட்டிக்கொள்ளவும்.
* வெள்ளரிக்காய், கொத்தமல்லி, தக்காளியை பொடியாக நறுக்கி கொள்ளவும்.
* கொண்டை கடலையை எட்டு மணி நேரம் ஊறவைத்து ஒரு தேக்கரண்டி உப்பு சேர்த்து குக்கரில் குழையாமல் வேக வைத்து கொள்ளவும்.
* ஒரு பாத்திரத்தில் வெங்காயம், கொண்டை கடலை, உப்பு, மிளகு தூள், எலுமிச்சை சாறு சேர்த்து நன்றாக கலக்கவும்.
* அடுத்து அதில் துருவிய கேரட், நறுக்கிய வெள்ளரி, கொத்தமல்லி தழை, தக்காளி, சாட் மசாலா [Chaat Masala] சேர்த்து நன்றாக கலந்து பரிமாறவும்.
* சுவையான சத்தான கொண்டை கடலை சாலட் ரெடி. 