குழந்தைகளுக்கு ஐஸ்க்ரீம் மிகவும் பிடிக்கும். ஐஸ்க்ரீமில் பழங்களை சேர்த்து குழந்தைகளுக்கு செய்து கொடுக்கலாம்.
குழந்தைகளுக்கான கிவி – பைனாப்பிள் ஐஸ்க்ரீம்
தேவையான பொருட்கள் :
கிவி பழம் – ஒரு கப் (நறுக்கியது)
பைனாப்பிள் ஜூஸ் – 2 கப்,
பைனாப்பிள் – சிறிது துண்டு
சர்க்கரை அரை கப்.
செய்முறை :
* பைனாப்பிள் துண்டுகளை பொடியாக நறுக்கி கொள்ளவும்.
* மிக்சியில் அரை கப் கிவி பழத்தை போட்டு கூழாக்கி கொள்ளவும்.
* ஒரு பாத்திரத்தில் கூழாக்கிய கிவி போட்டு அத்துடன் பைனாப்பிள் ஜூஸ், சர்க்கரை சேர்த்து நன்கு கலக்கி, அடுப்பில் வைத்து மிதமான தீயில் காய்ச்சி கூழ்பதத்துக்கு வந்தவுடன் இறக்கவும் ஆற விடவும்.
* ஆறியதும் மீதமுள்ள கிவி, பைனாப்பிள் பழத்துண்டுகளை சேர்த்து நன்றாக கலந்து, சிறிய கப்களில் ஊற்றி, ஃப்ரிட்ஜில் 6 மணி நேரம் (ஃப்ரீசரில்) வைத்து எடுத்துச் சாப்பிடவும்.
* கிவி – பைனாப்பிள் ஐஸ்க்ரீம் ரெடி.