தேவையான பொருட்கள்:
பாசுமதி அரிசி – 2 கப்
ஆரஞ்சு சாறு – 2 கப்,
பட்டை, லவங்கம் தலா ஒன்று,
வெங்காயம் – 1,
பச்சைப் பட்டாணி கால் கப்,
பச்சை மிளகாய் – 2,
முந்திரி – 6,
நெய், உப்பு தேவையான அளவு.
செய்முறை:
* வெங்காயத்தை பொடியாக நறுக்கி கொள்ளவும்.
* பச்சை பட்டாணியை வேக வைத்து கொள்ளவும்.
* பாசுமதி அரிசியை நன்கு கழுவி ஆரஞ்சு சாறு, ஒன்றரை கப் நீர் சேர்த்து ஒரு மணி நேரம் ஊறவிடவும்.
* குக்கரில் பட்டை,
லவங்கம், தேவையான உப்பு சேர்த்து, ஊறவைத்த அரிசியை நீருடன் சேர்த்துக் கலந்து மூடி, ஒரு விசில் வந்ததும் அடுப்பை ‘சிம்’மில்
வைத்து 5 நிமிடம் கழித்து இறக்கவும்.
* வாணலியில் நெய் விட்டு, காய்ந்ததும் முந்திரி சேர்த்து வதக்கி, பொடியாக நறுக்கிய வெங்காயம், கீறிய பச்சை மிளகாய், வேகவைத்த
பச்சைப் பட்டாணி, சிட்டிகை உப்பு சேர்த்து வதக்கி, வெந்த சாதத்துடன் சேர்த்துப் பரிமாறவும்.
பலன்: உடல் சூட்டைத் தணிக்கும்.
