என்னென்ன தேவை?
நறுக்கிய கேரட் 1 கப்,
பாதாம் 6,
வெண்ணெய் 1 டேபிள் ஸ்பூன்,
வெங்காயம் 1,
பாலாடை(கிரீம்) 1/4 கப்,
காய்ச்சிய பால் 1/4 கப்,
தேங்காய்ப்பால் 1/2 கப்,
உப்பு சுவைக்கேற்ப,
மிளகுத்தூள் 1/4 டீஸ்பூன்.
அலங்கரிக்க.
துருவிய பாதாம் சிறிது,
நறுக்கிய கொத்தமல்லி சிறிது.
எப்படிச் செய்வது?
கேரட்டை நன்கு கழுவி, தோலுரித்து, நறுக்கிக் கொள்ளவும். வெங்காயத்தை நறுக்கிக் கொள்ளவும். பிரஷர் பானில், மிதமான தீயில் வெண்ணெயை இளக்கி, பாதாம், வெங்காயம், கேரட் சேர்த்து ஒரு நிமிடம் வதக்கவும். 2 கப் தண்ணீர் சேர்த்து 2 விசில் வரை வேக விடவும். சற்றே ஆறியவுடன், பால் சேர்த்து அரைத்து, வடிகட்டி, உப்பு, மிளகுத்தூள் சேர்த்து, மீண்டும் அடுப்பில் ஏற்றவும். சிறிய தீயில் 5 நிமிடம் கொதிக்க விடவும். கிரீம், தேங்காய்ப்பால் சேர்த்துக் கலந்து இறக்கவும். துருவிய பாதாம், கொத்தமல்லி தூவி அலங்கரித்து, சூடாகப் பரிமாறவும்.