கடல் உணவுகளில் இறால் மிகவும் சுவையானது. இறால் உணவுகளை செய்வது மிகவும் எளிமையானது. இப்போது ஸ்பைசியான இறால் பெப்பர் ப்ரை செய்வது எப்படி என்று பார்க்கலாம்.
ஸ்பைசியான இறால் பெப்பர் ப்ரை செய்வது எப்படி
தேவையான பொருட்கள் :
இறால் – 600 கிராம்
பச்சை மிளகாய் – 3
இஞ்சி – 30 கிராம்
பூண்டு – 30 கிராம்
வெங்காயம் – 1
கறிவேப்பிலை – சிறிது
மிளகுத் தூள் – 2 டீஸ்பூன்
மிளகாய் தூள் – 1 டீஸ்பூன்
மஞ்சள் தூள் – 1/2 டீஸ்பூன்
எண்ணெய் – தேவையான அளவு
உப்பு – தேவையான அளவு
கொத்தமல்லி – சிறிதளவு
செய்முறை :
* கொத்தமல்லி, வெங்காயத்தை பொடியாக நறுக்கி கொள்ளவும்.
* இறாலை நன்றாக கழுவி சுத்தம் செய்து கொள்ளவும். சுத்தம் செய்த இறாலை ஒரு பாத்திரத்தில் போட்டு, அதில் மிளகாய் தூள், மஞ்சள் தூள், மிளகு தூள் மற்றும் உப்பு சேர்த்து கலந்து 30 நிமிடம் ஊற வைக்க வேண்டும்.
* மிக்சியில் இஞ்சி, பூண்டு, பச்சை மிளகாய் சேர்த்து அரைத்து தனியாக வைத்துக் கொள்ளவும்.
* ஒரு வாணலியை அடிப்பில் வைத்து, அதில் எண்ணெய் ஊற்றி காய்ந்ததும், கறிவேப்பிலை போட்டு தாளித்த பின் வெங்காயம் சேர்த்து பொன்னிறமாக வதக்க வேண்டும்.
* வெங்காயம் நன்றாக வதங்கியதும் அதில் இஞ்சி கலவையை சேர்த்து, பச்சை வாசனை போகும் வரை வதக்க வேண்டும்.
* அடுத்து அதில் ஊற வைத்துள்ள இறாலை சேர்த்து, தேவையான அளவு உப்பு தூவி, பொன்னிறமாகும் வரை 15 நிமிடம் நன்கு பிரட்டி விட வேண்டும். அடுப்பை மிதமான தீயில் வைத்து செய்யவும். இறால் அளவுக்கு அதிகமாக வெந்துவிடக்கூடாது.
* இறுதியில் கொத்தமல்லி தூவி இறக்கினால் இறால் பெப்பர் ப்ரை ரெடி.
* இதனை சாதம் அல்லது சப்பாத்தியுடன் சாப்பிட்டால் சுவையாக இருக்கும்.