சுவையான பஞ்சாபி முட்டை மசாலா

முட்டை மசாலாவில் பல ஸ்டைல்கள் உள்ளன. அந்த வகையில் பஞ்சாபி முட்டை மசாலா எப்படி செய்வது என்று பார்க்கலாம்.

சுவையான பஞ்சாபி முட்டை மசாலா
தேவையான பொருட்கள் :

முட்டை – 5
வெங்காயம் – 2
பிரியாணி இலை – 1
சீரகம் – 1 டீஸ்பூன்
தக்காளி சாறு – 1 டேபிள் ஸ்பூன்
மிளகாய் தூள் – 1 டீஸ்பூன்
தனியா தூள் – 1 டீஸ்பூன்
மஞ்சள் தூள் – 1/2 டீஸ்பூன்
மாங்காய் தூள் – 1 டீஸ்பூன்
காய்ந்த வெந்தய இலை – 1 டேபிள் ஸ்பூன் (கையால் பொடி செய்தது)
உப்பு – தேவையான அளவு
கரம் மசாலா – 1/2 டீஸ்பூன்
எண்ணெய் – 2 டேபிள் ஸ்பூன்
தண்ணீர் – 1 கப்

மசாலா பேஸ்ட்டிற்கு :

வெங்காயம் – 2
பச்சை மிளகாய் – 2
இஞ்சி – 1 இன்ச்
பூண்டு – 5 பற்கள்
கிராம்பு – 2
பட்டை – 1
சோம்பு – 1 டீஸ்பூன்
தக்காளி – 2

செய்முறை :

* வெங்காயத்தை பொடியாக நறுக்கி கொள்ளவும்.

* காய்ந்த வெந்தயக்கீரையை கைகளால் பொடித்து வைக்கவும்.

* முட்டையை வேக வைத்து ஓட்டை உடைத்து தனியாக வைக்கவும்.

* மசாலாவிற்கு கொடுக்கப்பட்டுள்ள பொருட்களை மிக்சியில் போட்டு நன்றாக நைசாக அரைத்து கொள்ளவும்.

* அடுப்பில் கடாயை வைத்து எண்ணெய் ஊற்றி சூடானதும் அதில் சீரகம், பிரியாணி இலை போட்டு தாளித்த பின் வெங்காயத்தை போட்டு 3 நிமிடம் வதக்கவும்.

* பிறகு அதில் மஞ்சள் தூள், மிளகாய் தூள், தனியா தூள், மாங்காய் தூள், தக்காளி சாறு சேர்த்து 4-5 நிமிடம் வதக்க வேண்டும்.

* பின்னர் அரைத்து வைத்துள்ள மசாலா பேஸ்ட்டை சேர்த்து, 6 நிமிடம் வதக்க வேண்டும்.

* பின் உப்பு, கரம் மசாலா சேர்த்து 4 நிமிடம் வதக்கி, சிறிது தண்ணீர் ஊற்றி, வேக வைத்துள்ள முட்டையை இரண்டாக வெட்டி போட்டு, தீயை குறைவில் வைத்து, 10 நிமிடம் கொதிக்க விடவும்.

* கடைசியாக காய்ந்த வெந்தய இலையை தூவி இறக்கினால், சுவையான பஞ்சாபி முட்டை மசாலா ரெடி!!!