தேவையான பொருட்கள் :
கறிவேப்பிலை – 1 கைப்பிடி அளவு
பச்சரிசி – 1 ஆழாக்கு
கடலைப் பருப்பு – 1 டேபிள் ஸ்பூன்
உளுத்தம் பருப்பு – 1 டீஸ்பூன்
முந்திரிப் பருப்பு – 15
நெய் – தேவையான அளவு
தாளிக்க :
கடுகு – சிறிதளவு
மிளகுத்தூள் – 1 டீஸ்பூன்
உப்புத்தூள் – தேவையான அளவு
செய்முறை :
* பச்சரிசியை நன்றாக அலசி சுத்தம் செய்து போதுமான அளவு தண்ணீர் விட்டு உதிரியாக வேக வைத்து கொள்ளவும்.
* கறிவேப்பிலையை உருவிக் கொள்ளவும்.
* வாணலியில் சிறிதளவு நெய் விட்டு சூடாக்கவும். நெய் சூடானதும் உருவி வைத்திருக்கும் கறிவேப்பிலையை போட்டு மொறுமொறுப்பாக வறுத்து பொடி செய்து கொள்ளவும்.
* வாணலியில் போதுமான அளவு நெய்யை விட்டு கடுகு, உ.பருப்பு போட்டு தாளித்து முந்திரிப் பருப்பு, கடலைப் பருப்பு சிவக்க வறுக்கவும்.
* இவற்றை உதிரியாகப் பரப்பி வைத்திருக்கும் சாதத்தில் கலந்து கறிவேப்பிலைத்தூள், மிளகுத்தூள், உப்புத்தூள் ஆகியவற்றையும் சேர்த்து நன்றாகக் கிளறி சூடாகப் பரிமாறவும்.
* சத்தான கறிவேப்பிலை சாதம் ரெடி.