சுவையான நெத்திலி மீன் வறுவல் செய்வது எப்படி என்று பார்க்கலாம்.
சுவையான நெத்திலி மீன் வறுவல் செய்வது எப்படி
தேவையான பொருட்கள் :
நெத்திலி மீன் – அரை கிலோ
மிளகாய் தூள் – 25 கிராம்
மஞ்சள் தூள் – அரை டீஸ்பூன்
மிளகு தூள் – ஒரு டீஸ்பூன்
சீரக தூள் – ஒரு டீஸ்பூன்
உப்பு – தேவைகேற்ப
ஓமம் – கால் டீஸ்பூன்
கறிவேப்பில்லை – சிறிதளவு (பொடியாக நறுக்கியது)
பூண்டு – ஐந்து பல் (நசுக்கியது)
சோள மாவு – 25 கிராம்
அரிசி மாவு – 10 கிராம்
முட்டை வெள்ளை கரு – 1
செய்முறை :
* நெத்திலி மீனை நன்றாக சுத்தம் செய்து கழுவி கொள்ளவும்.
* ஒரு கிண்ணத்தில் நெத்திலி மீன், மிளகாய் தூள், மஞ்சள் தூள், மிளகு தூள், சீரக தூள், ஓமம், கறிவேப்பில்லை, நசுக்கி பூண்டு, உப்பு சேர்த்து நன்றாக கலந்து குளிர்சாதன பெட்டியில் 1 மணிநேரம் வைக்கவும்.
* மீன் கலவையை குளிர்சாதன பெட்டியில் இருந்து எடுத்த பிறகு, அதில் சோள மாவு, அரிசி மாவு, முட்டை வெள்ளை கரு சேர்த்து நன்றாக பிசைந்து 15 நிமிடம் வைக்கவும்.
* கடாயில் எண்ணெய் ஊற்றி காய்ந்ததும் மீனை உதிரி உதிரியாக போட்டு பொன்னிறமாக வறுத்து எடுக்கவும்.
* சுவையான நெத்திலி மீன் வறுவல் ரெடி.
* ஓமம் விரும்பாதவர்கள் சேர்க்க தேவையில்லை. ஓமம் சேர்த்தால் நன்றாக இருக்கும்