தேவையான பொருட்கள்:
* முட்டைக்கோஸ் – 1 கப் (நறுக்கியது)
* பாசிப்பருப்பு – 3 டேபிள் ஸ்பூன்
* வெங்காயம் – 1 (பொடியாக நறுக்கியது)
* பச்சை மிளகாய் – 2
* உப்பு – சுவைக்கேற்ப
* துருவிய தேங்காய் – சிறிது
தாளிப்பதற்கு…
* கடுகு – 1/4 டீஸ்பூன்
* உளுத்தம் பருப்பு – 1/2 டீஸ்பூன்
* சீரகம் – 1/4 டீஸ்பூன்
* பெருங்காயத் தூள் – 1 சிட்டிகை
* எண்ணெய் – 2 டேபிள் ஸ்பூன்
செய்முறை:
* முதலில் பாசிப்பருப்பை நீரில் 5 நிமிடம் ஊற வைத்து, கழுவிக் கொள்ள வேண்டும்.
* பின்னர் குக்கரில் முட்டைக்கோஸ் மற்றும் பாசிப்பருப்பை போட்டு, சிறிது நீரைத் தெளித்து அடுப்பில் வைத்து, குக்கரை மூடி 1 விசில் விட்டு இறக்கிக் கொள்ள வேண்டும்.
Cabbage Moong Dal Poriyal Recipe In Tamil
* பின்பு ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், கடுகு, உளுத்தம் பருப்பு, சீரகம், பெருங்காயத் தூள் சேர்த்து தாளிக்க வேண்டும்.
* பிறகு அதில் பச்சை மிளகாயை இரண்டாக கீறி போட்டு வதக்கி, பின் வெங்காயத்தைப் போட்டு சிறிது உப்பு தூவி நன்கு வதக்க வேண்டும்.
* அடுத்து, அதில் வேக வைத்துள்ள முட்டைக்கோஸ் மற்றும் பாசிப்பருப்பை சேர்த்து, சுவைக்கேற்ப உப்பு தூவி நன்கு ஒருசேர விட வேண்டும்.
* இறுதியாக துருவிய தேங்காயை சேர்த்து கிளறி இறக்கினால், சுவையான முட்டைக்கோஸ் பாசிப்பருப்பு பொரியல் தயார்.