தேவையான பொருட்கள்:
* எலும்பில்லாத மட்டன் – 1/2 கிலோ
* மிளகாய் தூள் – 2 டீஸ்பூன்
* மஞ்சள் தூள் – 2 டீஸ்பூன்
* உப்பு – சுவைக்கேற்ப
* தண்ணீர் – 1/2 கப்
மசாலாவிற்கு…
* தேங்காய் எண்ணெய் – 1/4 கப்
* சோம்பு – 2 டீஸ்பூன்
* வெங்காயம் – 2 (பொடியாக நறுக்கியது)
* பச்சை மிளகாய் – 3 (நீளமாக கீறியது)
* இஞ்சி பூண்டு பேஸ்ட் – 2 டேபிள் ஸ்பூன்
* கறிவேப்பிலை – சிறிது
* மிளகாய் தூள் – 1 டீஸ்பூன்
* மல்லித் தூள் – 1 டேபிள் ஸ்பூன்
* கரம் மசாலா – 1 டேபிள் ஸ்பூன்
* உப்பு – சுவைக்கேற்ப
* மிளகுத் தூள் – 1 டீஸ்பூன்
* கொத்தமல்லி – சிறிது
செய்முறை:
* முதலில் மட்டனை நன்கு கழுவிக் கொள்ள வேண்டும்.
* பின் குக்கரில் மட்டனைப் போட்டு, அத்துடன் மிளகாய் தூள், மஞ்சள் தூள், சுவைக்கேற்ப உப்பு மற்றும் 1/2 கப் நீரை ஊற்றி அடுப்பில் வைத்து, குக்கரை மூடி 12-15 விசில் விட்டு இறக்கிக் கொள்ள வேண்டும். விசில் போனதும் குக்கரைத் திறந்து கொள்ள வேண்டும்.
* பின்பு ஒரு வாணலியை அடுப்பில் வைத்து, அதில் தேங்காய் எண்ணெய் ஊற்றி சூடானதும், சோம்பு சேர்த்து தாளிக்க வேண்டும்.
Mutton Kothu Kari Recipe In Tamil
* பிறகு அதில் வெங்காயம், கறிவேப்பிலை, பச்சை மிளகாய் சேர்த்து சில நிமிடங்கள் வதக்க வேண்டும்.
* அடுத்து அதில் இஞ்சி பூண்டு பேஸ்ட் சேர்த்து பச்சை வாசனை போக வதக்க வேண்டும்.
* பின் அதில் வேக வைத்த மட்டனை சேர்த்து, அத்துடன் மிளகாய் தூள், மல்லித் தூள் மற்றும் கரம் மசாலா சேர்த்து நன்கு நீர் வற்றும் வரை கிளறி விட வேண்டும்.
* மட்டனில் இருந்து நீர் முற்றிலும் வற்றியதும், மேலே மிளகுத் தூளை தூவி கிளறி, அதன் பின் கொத்தமல்லியைத் தூவி இறக்கினால், மட்டன் கொத்துக்கறி தயார்.