பீர்க்கங்காய் சாம்பார்

தேவையான பொருட்கள்:

* பீர்க்கங்காய் – 1 (தோலுரித்து துண்டுகளாக்கப்பட்டது)

* வெங்காயம் – 1 (நறுக்கியது)

* தக்காளி – 2 (நறுக்கியது)

* துவரம் பருப்பு – 1 கப்

* மஞ்சள் தூள் – 1 டீஸ்பூன்

* சாம்பார் பவுடர் – 3 டேபிள் ஸ்பூன்

* புளி – 1 நெல்லிக்காய் அளவு (நீரில் ஊற வைத்து சாறு எடுத்துக் கொள்ளவும்)

* உப்பு – சுவைக்கேற்ப

* கொத்தமல்லி – சிறிது

* எண்ணெய் – 1 டேபிள் ஸ்பூன்

தாளிப்பதற்கு…

* எண்ணெய் – 2 டேபிள் ஸ்பூன்

* கடுகு – 1 டீஸ்பூன்

* உளுத்தம் பருப்பு – 1 டீஸ்பூன்

* சீரகம் – 1 டீஸ்பூன்

* வரமிளகாய் – 1

* பெருங்காயத் தூள் – 1 சிட்டிகை

* கறிவேப்பிலை – சிறிது

செய்முறை:

* முதலில் குக்கரில் துவரம் பருப்பை கழுவிப் போட்டு, தேவையான அளவு நீரை ஊற்றி, மஞ்சள் தூள், வெங்காயம், தக்காளி சேர்த்து அடுப்பில் வைத்து, குக்கரை மூடி 3 விசில் விட்டு இறக்கிக் கொள்ள வேண்டும்.

Peerkangai Sambar Recipe In Tamil
* பின் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், பீர்க்கங்காயை சேர்த்து 4-5 நிமிடம் நன்கு வதக்கிக் கொள்ள வேண்டும்.

* பிறகு வேக வைத்துள்ள பருப்பை சேர்த்து, அத்துடன் சாம்பார் பவுடரை சேர்த்து, சுவைக்கேற்ப உப்பு சேர்த்து 5 நிமிடம் கொதிக்க விட வேண்டும்.

* அதன் பின் புளிச்சாறு சேர்த்து ஒரு கொதி வந்ததும் இறக்கிக் கொள்ள வேண்டும்.

* பின்பு ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், தாளிப்பதற்கு கொடுத்துள்ள பொருட்களை சேர்த்து தாளித்து, சாம்பாரில் ஊற்றி கிளறினால், சுவையான பீர்க்கங்காய் சாம்பார் தயார்.