மட்டனை வைத்து குழந்தைகளுக்கு மாலை நேரத்தில் ஒரு ஸ்நாக்ஸ் போல மட்டன் கபாப் செய்து தரலாம்.
மட்டன் கபாப்
மட்டன் கபாப்
தேவையான பொருட்கள் :
மட்டன் கொத்துக்கறி – 1 கிலோ
இஞ்சிபூண்டு விழுது – 3 டேபிள் ஸ்பூன்
வெண்ணெய் – 1 டேபிள் ஸ்பூன்
பப்பாளிக்காய் பேஸ்ட் – 3 டேபிள் ஸ்பூன்
மிளகாய்த் தூள் – 1 டேபிள் ஸ்பூன்
கரம் மசாலாத் தூள் – 1/4 டேபிள் ஸ்பூன்
வெங்காயம் – 2
எண்ணெய் – தேவையான அளவு
உப்பு – தேவையான அளவு
சாஸ் செய்ய :
புதினா இலை -1 கப்
கெட்டி தயிர் – 1/2 கப்
பூண்டு – 1 பல்
பச்சை மிளகாய் – 1
சீரக தூள்- சிறிது
உப்பு
* மேலே சொன்ன அனைத்தையும் நன்கு மிருதுவாக அரைத்து, கபாப்புடன் பறிமாறவும்.
செய்முறை :
* முதலில் வெங்காயத்தை பொடியாக நறுக்கிக் கொள்ளவும்.
* மட்டனை நன்கு சுத்தமாக கழுவி, தண்ணீரில்லாமல் எடுத்து வைத்துக் கொள்ளவும்.
* ஒரு பாத்திரத்தில் மட்டன் கொத்துக்கறி, வெங்காயம், இஞ்சிபூண்டு விழுது, வெண்ணெய், பப்பாளிக் காய் பேஸ்ட், மிளகாய்த் தூள், கரம் மசாலாத் தூள் மற்றும் உப்பு சேர்த்துப் பிசைந்து வைத்துக் கொள்ளவும்.
* அந்த கலவையை இரண்டு மணிநேரம் ஃப்ரிட்ஜில் வைத்து நன்கு ஊற வைக்கவும்.
* பிறகு அதனை எடுத்து மிக்ஸியில் ஒரு சுற்று சுற்றிக் கொள்ளவும்.
* ஒரு வாணலியை அடுப்பில் வைத்து, அதில் பொரிப்பதற்கு எண்ணெய் ஊற்றி சூடேற்றவும்.
* எண்ணெய் நன்றாக காய்ந்ததும், அந்த கலவையை நீளவாக்கி உருட்டி எண்ணெயில் போட்டு பொன்னிறமாக பொரித்து எடுக்கவும்.
* இப்போது சுவையான மட்டன் கபாப் ரெடி!!!
* இதன் மேல் கொத்தமல்லி மற்றும் புதினாவைத் தூவி சாஸ்சுடன் பரிமாறலாம்.
