பிரபல மலையாள நடிகர் ஒருவரின் வீட்டிற்கு திடீர் விஜயம் செய்து நட்சத்திர ஜோடி சூர்யா மற்றும் ஜோதிகா இருக்கும் புகைப்படம் வெளியாகியுள்ளது.
நடிகர்கள் சூர்யாவும், ஜோதிகாவும் படத்தில் ஜோடியாக நடிக்கும் போது காதலித்து பின்னர் குடும்பத்தினரின் சம்மதத்துடன் திருமணம் செய்து கொண்டனர். திருமணத்திற்குப் பிறகு பல வருடங்கள் சினிமாவில் இருந்து விலகியிருந்த ஜோதிகா தனது 36வது வயதில் தமிழ் சினிமாவுக்கு மீண்டும் வந்தார். அதையடுத்து ஜோதிகா கதாநாயகிக்கு முக்கியத்துவம் உள்ள படங்களில் நடித்து வருகிறார்.
இந்நிலையில் அவர் நடிக்கும் காதல் என்ற மலையாள படம் தற்போது தயாராகி வருகிறது.அப்படத்தில் மம்முட்டிக்கு ஜோடியாக ஜோதிகா நடிக்கிறார். சமீபத்தில் காதல் படப்பிடிப்பிற்கு சென்ற நடிகர் சூர்யாவிற்கு மம்முட்டி பிரியாணி சமைத்தார். இது தொடர்பான புகைப்படமும் வெளியாகி வைரலானது.
இந்நிலையில் மற்றொரு மலையாள நடிகரின் வீட்டிற்கு சூர்யாவும், ஜோதிகாவும் திடீர் விசிட் செய்தனர். பிரபல மலையாள நடிகர் பிருத்விராஜ் வீட்டிற்கு தனது அன்பு மனைவி ஜோதிகாவுடன் சென்று இன்ப அதிர்ச்சி கொடுத்துள்ளார் சூர்யா. பின்னர் சூர்யா தனது ட்விட்டர் பக்கத்தில் ஜோதிகாவுடன் ஒரு புகைப்படத்தைப் பகிர்ந்துள்ளார், அதற்கு “உற்சாகமான நண்பர்கள்” என்று தலைப்பிட்டார்.
ராதாமோகன் இயக்கிய மொழிபடத்தில் நடிகை ஜோதிகாவும், நடிகர் பிருத்விராஜும் ஜோடியாக நடித்தனர். இது ஒரு நட்பு சந்திப்பு என்று பிருத்விராஜ் குறிப்பிட்டார், ஆனால் ரசிகர்கள் பிருத்விராஜ் சூர்யாவை வைத்து படம் இயக்க வேண்டும் என்று கோருகின்றனர்.