ப்ரெட் புட்டு

தேவையான பொருட்கள்

ப்ரெட் – 3 ஸ்லைஸ்
தேங்காய் – கால் கப்
உப்பு – சிட்டிகை
தண்ணீர் – 2 தேக்கரண்டி

செய்முறை

* ப்ரெட் துண்டுகளின் ஓரங்களை நீக்கி விட்டு மிக்ஸியில் ஒரு சுற்று சுற்றி உதிர்த்துக் கொள்ளவும்.

* தேங்காயை துருவிக் கொள்ளவும் அல்லது தேங்காய் துண்டுகளை மிக்ஸியில் போட்டு பூவாக உதிர்த்துக் கொள்ளவும்.

* ஒரு பாத்திரத்தில் உதிர்த்த ப்ரெட்டை போட்டு தண்ணீர், தெளித்து புட்டு மாவு பதத்திற்கு கலந்து கொள்ளவும்.

* புட்டு குழலில் முதலில் தேங்காய் துருவல் பின்னர் ப்ரெட் தூள் என்று முழுவதும் நிரப்பவும்.

* 5 நிமிடங்கள் ஆவியில் வேக வைத்து எடுக்கவும்.

* சுவையான ப்ரெட் புட்டு தயார். சூடாக வாழைப் பழத்துடன் பரிமாறவும். ப்ரெட் மீந்து விட்டால், அல்லது வெறும் ப்ரெட் சாப்பிட்டு போரடித்து விட்டால் இதேப் போல் புட்டு செய்து சாப்பிடலாம்.