சூரிய பகவான் சிம்ம ராசியிலிருந்து கன்னி ராசிக்கு பெயர்ச்சி ஆக உள்ளார். இதனால் புரட்டாசி மாதம் செப் 18ம் தேதி தொடங்குகிறது.
அமேசான் கிரேட் இந்தியா திருவிழாவிற்கு முன் சிறந்த டீல்களைப் பெறுங்கள்- வீடு மற்றும் சமையலறையில் 70% வரை தள்ளுபடி பெறுங்கள்
புரட்டாசி மாதம் கிரக நிலைகள்:
மேஷத்தில் ராகு, ரிஷபத்தில் சந்திரன், செவ்வாய், சிம்மத்தில் புதன், சுக்கிரன், கன்னியில் சூரியன், துலாம் ராசியில் கேது, மகரத்தில் ஆட்சி அதிபதியாக சனியும்,
கும்பத்தில் ஆட்சி அதிபதியாக குருவும் சஞ்சரிக்கக்கூடிய இந்த புரட்டாசி மாதம் பிறக்கிறது. இந்த பதிவில் சூரியன் கன்னியில் சஞ்சரிப்பதால் இந்த மாதம் முழுவதும் எந்த ராசிகளுக்கு அதிர்ஷ்ட பலன்கள் கிடைக்கும் என்பதைப் பார்ப்போம்.
மேஷம் புரட்டாசி மாத ராசிபலன்
புரட்டாசி மாத தொடக்கத்தில் மேஷ ராசிநாதன் செவ்வாய், ராசிக்கு 2ம் இடமான தன ஸ்தானத்தில் சஞ்சரிப்பார். இதனால் உங்களின் பொருளாதார நிலை சிறப்பாக இருக்கும். நீங்கள் நினைத்த காரியத்தை முடிக்க இயலும். கொடுத்த வாக்குறுதியைக் காப்பாற்றுவீர்கள். தொழில், வியாபாரம் சார்ந்த விஷயங்களில் மேம்படுவதாக இருக்கும்.
செப்டம்பர் 25ம் தேதி உங்களின் தன்தானாதிபதியாக விளங்கும் சுக்கிரன் நீச்சமடைகிறார். அந்த நேரத்தில் உங்களுக்கு நிதி சார்ந்த சில பிரச்னைகள் ஏற்படலாம். ஆனால் அதை சிறப்பாக எதிர்கொண்டு வெற்றி அடைவீர்கள்.
அக்டோபர் மாத தொடக்கத்தில் புதன் பகவான் உச்சம் பெறுகிறார். இதனால் உங்களின் உத்தியோகத்தில் முன்னேற்றமும், சிலருக்கு உயர் பதவி, ஊதிய உயர்வு கிடைக்க நல்வாய்ப்புண்டு.
புரட்டாசி மாத இறுதியில் குடும்பத்தில் சில சச்சரவுகள் ஏற்படலாம். குறிப்பாக சகோதரர் வழியில் பிரச்னைகள் ஏற்படலாம்.
பரிகாரம் :
அம்மன் வழிபாடு செய்து வர உங்களின் மன கலக்கம் நீங்கும்.
மகாளயபட்சம் ஆரம்பம் – மகாளய அமாவாசை எப்போது, அதன் சிறப்பு தெரியுமா?
ரிஷபம் புரட்டாசி மாத ராசிபலன்
புரட்டாசி மாத தொடக்கத்தில் ரிஷப ராசியிலேயே விராயதிபதியான செவ்வாய் அமர்ந்திருப்பதால், உங்களுக்கு சற்று செலவுகள் அதிகரிக்கத் தான் செய்யும். அக்டோபர் 9ம் தேதி செவ்வாய் மிதுனத்திற்கு பெயர்ச்சியான பின்னர் வருவாய் அதிகரிக்கும்.
குடும்பத்தில் நல் ஆதரவு கிடைக்கும். உங்களுக்கு உடன் பிறந்தவர்கள் மூலம் நல்ல விஷயங்கள் நடக்கும். கடன்களை அடைக்க வாய்ப்புகள் பிறக்கும்.
செப் 24ல் வக்ர நிலையில் இருக்கும் புதனுடன், சுக்கிரன் சேர்வதால் உங்களின் ஆரோக்கியம் தொடர்பான விஷயங்களில் கவனமாக இருக்க வேண்டியது அவசியம்.
உத்தியோகத்தில் உற்சாகமாக செயல்படுவீர்கள். தொழில் மாற்றங்கள் குறித்து சிந்தனை உண்டாகும். இடமாற்றம் திருப்திகரமானதாக இருக்கும்.
பரிகாரம் :
இந்த மாதம் இனிமையானதாக அமைய வராகி அம்மனை வழிபடவும்.
இந்த 7 ராசிகளில் ஒருவரை திருமணம் செய்தால் நீங்கள் பாக்கியம் செய்தவர் தான்
மிதுனம் புரட்டாசி மாத ராசிபலன்
மிதுன ராசி அதிபதி புதன் இவர், சூரியன் ஆளக்கூடிய சிம்மத்திலும், சிம்மம் ராசி அதிபதி சூரியன் கன்னி ராசியிலும் பரிவர்த்தனை யோகத்துடன் சஞ்சரிக்கின்றனர். இதனால் மிதுன ராசிக்கு தைரியமும், அதிர்ஷ்டமும் கிடைக்கும்.
மூல திரிகோணம் பெற்ற புதன், நீசம் பெற்ற சுக்கிரனுடன் சேர்ந்து இருப்பதால் நீச பங்க ராஜ யோகம் உங்களுக்கு உண்டாகும்.
குரு ராசிக்கு 10ல் இருந்து அவர், புதன், சுக்கிரன், சூரியனைப் பார்க்கிறார். இந்த மாதம் முழுவதும் சிறப்பான பலன்கள் கிடைத்திடும்.
ராகுவின் அமைப்பால் வெளியூர், வெளிநாடுகளுக்கு கல்வி, தொழில் காரணமாக செல்ல யோகம் உண்டாகும்.
இந்த ராசி ஆண்களை திருமணம் செய்தால் கொடுத்து வைத்த மனைவி நீங்கள் தான்!
அக்டோபர் 2ல் புதன் சூரியனுடன் சேர்கிறார். இதனால் ஆரோக்கியத்தில் கவனமாக இருக்க வேண்டும். அஷ்டம சனி, 10ல் குரு இருப்பதால் உங்களின் தொழில், உத்தியோகத்தில் தடை ஏற்படலாம். வண்டி, வாகனத்தில் சிறு பிரச்னைகள் வந்து கொண்டிருக்கும்.
இந்த மாதத்தில் மிகவும் பொறுமையாக இருந்து எந்த செயலையும் செய்தால் சிறப்பான பலன் கிடைக்கும்.
கடகம் புரட்டாசி மாத ராசிபலன்
கடக ராசிக்கு இந்த மாதம் சிறப்பான பலன்கள் தரக்கூடியதாக இருக்கும். உங்கள் ராசிநாதன் மாத தொடக்கத்தில் விரய ஸ்தானத்தில் சஞ்சரிக்கிறார்.
யோகம் தரக்கூடிய செவ்வாய் லாப ஸ்தானத்தில் சஞ்சரிக்கிறார். அதே சமயம் உங்களுக்கு கண்டக சனி நடக்கிறது. இதனால் உங்கள் குடும்பத்தில் சில சலசலப்புக்கள் ஏற்படும். குடும்ப உறுப்பினர்களுடன் அனுசரித்துச் செல்வது அவசியம்.
குடும்பத்தில் மட்டுமில்லாமல், பணியிடத்திலும் சக ஊழியர்களிடம் விட்டுக் கொடுத்துச் செல்வது அவசியம்.
நிலைமை எப்படி இருந்தாலும் குருவின் பார்வை உங்கள் ராசி மீது விழுவதால், கடினமான சூழல் இருந்தாலும், கடைசியில் காரியம் கைகூடிவிடும்.
இந்த ராசிக்காரர்களுக்கு திருமணமே பிடிக்காதாம்… ஏன் தெரியுமா?
செப் 24ல் சுக்கிரன் நீசமடைவது நன்மை தரும். அதன் பின்னர் சகாய ஸ்தான அதிபதி புதன் உச்சம் பெறுவதும் உங்கள் ராசிக்கு மிக சிறப்பான யோகங்களை அள்ளித்தருவதாக இருக்கும்.
பொது வாழ்க்கையில் இருப்பவர்களுக்கு மரியாதையும், பொறுப்புக்களும் அதிகரிக்கும்.
மாத இறுதியில் சனி வக்ர நிவர்த்தி அடையும் போது ஆரோக்கியம், உணவு விஷயத்தில் கவனம் தேவை.
பரிகாரம் :
இந்த மாதம் சனி பகவானை வழிபட்டு வர நன்மைகள் உண்டாகும்.
சிம்மம் புரட்டாசி மாத ராசிபலன்
சிம்ம ராசிக்கு மாத தொடக்கத்தில் சுக்கிரன், புதன் உங்கள் ராசியில் சஞ்சரிப்பார்கள். ராசி நாதன் சூரியன் 2ம் வீட்டில் சஞ்சரிப்பார். சூரியனும் – புதனும் பரிவர்த்தனை யோகம் பெற்று இருப்பதால் இந்த மாத தொடக்கமே மிக மகிழ்ச்சிகரமானதாக இருக்கும்.
இல்லத்தில் சுப காரியங்கள் சிறப்பாக நடக்கும். உங்கள் உத்தியோகத்தில் சிறப்பாக செயல்படுவீர்கள். தொழில், வியாபாரத்தில் நீங்கள் நினைத்த விஷயங்களை நிறைவேற்றுவீர்கள்; லாபம் கிடைக்கும். ஆரோக்கியம் சிறப்பாக இருக்கும்.
செப் 24ல் சுக்கிரன் நீச்சம் பெறுவார். அந்த நேரத்தில் தொழிலில் சில தடுமாற்றங்கள் இருக்கும்.
மாத இறுதியில் புதன் சுக்கிரனுடன் சேரும் போது நீச்ச பங்க ராஜ யோகம் உருவாகும் இதனால் நீங்கள் இழந்த செல்வம், மரியாதை பெற்றிட முடியும்.
பரிகாரம் :
அம்மன் வழிபாடு செய்து வர சிறப்பான பலனைப் பெற்றிட முடியும்.
கன்னி புரட்டாசி மாத ராசிபலன்
கன்னி ராசிக்கு புரட்டாசி மாதம் ஏற்ற இறக்கங்கள் நிறைந்ததாக இருக்கும். உங்கள் ராசியிலேயே விராயதிபதி சூரியன் உங்கள் ராசியில் இருப்பதால் இந்த மாதம் உங்களுக்கு செலவுகள் அதிகரிக்கும். அதே சமயம் உங்கள் ராசியை குரு பார்ப்பதால் அது சுப விரயமாக வாய்ப்புள்ளது.
சுபகாரிய முயற்சியில் ஈடுபடலாம். வீடு, மனை வாங்க வாய்ப்புள்ளது. இந்த மாதத்தில் உங்களுக்கு ஏதேனும் ஒரு வகையில் இடமாற்றம் நிகழலாம். உத்தியோகம், வீடு மாற்றம் ஏற்பட வாய்ப்புள்ளது.
உத்தியோகத்தில் சக ஊழியர்கள் ஒத்துழைப்புமின்மை, மேலதிகாரிகளின் ஆதரவு குறைதல் என சில கடினமான நிலை இருக்கும். கூடுதல் பொறுப்பு கிடைக்கும்.
மாத இறுதியில் புதன் உச்சம் பெறுவதால் உங்களுக்கு நிதி ரீதியாகவும், உறவுகளின் ஆதரவு என சாதக நிலை ஏற்படும்.
பரிகாரம் :
நவகிரக தலைவன் சூரிய வழிபாடு செய்வது நன்மை தரும்.
துலாம் புரட்டாசி மாத ராசிபலன்
Libra Purattasi Matha Rasi Palan:துலாம் ராசிக்கு 12ம் வீட்டில் சூரியனின் சஞ்சாரம் நிகழ உள்ளது. விரய ஸ்தானத்தில் சஞ்சரிப்பதால் நீங்கள் எதிர்பார்த்ததை விட அதிகமாக செலவு செய்ய வேண்டியது இருக்கும். உங்கள் செலவுகளைக் கட்டுப்படுத்த சரியாக பட்ஜெட் போட்டு செயல்படவும்.
உங்கள் மதிப்பு, மரியாதை பாதிக்கக்கூடிய எந்த ஒரு செயலையும் செய்ய வேண்டாம். இந்த மாதத்தில் உங்களின் எதிரிகள் உங்களை ஆதிக்கம் செலுத்துவார்கள். அதனால் கவனமாக இருக்கவும்.
சில தேவையற்ற விவாதங்களால் நண்பர்களுடனான உங்கள் உறவு பாதிக்கப்படலாம். உங்கள் ஆரோக்கியமும் பாதிக்கப்படலாம். உடல்நலம் விஷயத்தில் அலட்சியம் வேண்டாம்.
விருச்சிக புரட்டாசி மாத ராசிபலன்
விருச்சிக ராசிக்கு இந்த மாதம் வெற்றிகள் வீடு வந்து சேரக்கூடிய மாதம். ராசிநாதன் செவ்வாய் உங்களுக்கும் பலமாக இருப்பதால் சிறப்பான பலன்கள் கிடைக்கும். ஆறாமிடத்தில் ராகு 12ஆம் இடத்தில் கேது இருப்பதாலும், குருவின் பார்வை உங்கள் ராசியில் பதிவதால் பொன் பொருள் சேர்க்கை உண்டாகும். பொருளாதாரம், உங்களின் மதிப்பு மரியாதை அதிகரிக்கும்.
உத்தியோகம், தொழில், வியாபாரத்தில் உங்களின் திட்டங்கள் சிறப்பாக நிறைவேறும். புரட்டாசி மாதத்தின் பிற்பகுதியில் லாபாதிபதி புதன் உச்சம் பெறுவதால் உங்களுக்கு பல வகையில் லாபமும், பொருள், செல்வமும் சேரும். எனவே இதிலும் எதிர்பார்த்ததைவிடக் கூடுதல் பலன்கள் கிடைக்கும். ராசிக்கு 6-க்கு அதிபதி 8-ஆம் இடத்துக்கு வருவதால் விபரீத ராஜ யோகம் ஏற்படும்.
பரிகாரம்
ஞானத்தை அருளக் கூடிய கலைவாணியை வழிபடுவோம்.
தனுசு புரட்டாசி மாத ராசிபலன்
தனுசு ராசிக்கு ஏழரை சனியின் கடைசி நிலையான பாத சனி நடக்கிறது. பல வகையில் தொந்தரவுகள் இருக்கும் என்றாலும், உங்கள் ராசிக்கு 9ம் அதிபதி சூரியன் 10ம் இடத்திலும், 10ம் அதிபதி 9ம் இடத்திலும் என பரிவர்த்தனை யோகம் பெற்று இருப்பதால் உங்கள் செயல்களில் நல்ல அனுகூலம் பலன்கள் உண்டாகும்.
உங்களின் பூர்வீக சொத்துக்கள் வகையில் நல்ல பங்கீடும். தொழில், வியாபாரம் சார்ந்த விஷயங்களில் நல்ல பலன்கள் உண்டாகும். பிள்ளைகள் வழியில் சுப காரியங்கள் நடக்க வாய்ப்புள்ளது.
அத்தியாயம் 11
உத்தியோகம், தொழில் சார்ந்து நீங்கள் எடுக்கக்கூடிய முடிவுகள் உங்களுக்கு சாதகமாக அமையும். ராசிநாதன் குருவுக்கு பகை கிரகான சுக்கிரன் நீச்சம் பெறுவது உங்களுக்கு நன்மை தரும். மாதத்தின் பிற்பகுதியில் புதன் உச்சம் பெறுவதால் எல்லா வகையிலும் நல்ல யோக பலன்கள் கிடைக்கும். சனி வக்ர நிவர்த்தி அடைவதால் உங்களின் முன்னேற்றம் சிறப்பாக இருக்கும்.
பரிகாரம் :
மாதம் முழுவதும் கணபதி வழிபாடு செய்வது நன்மையைத் தரும்.
மகரம் புரட்டாசி மாத ராசிபலன்
உங்கள் ராசிக்கு 9ம் வீடான தந்தை, பாக்கிய ஸ்தானத்தில் சூரியனின் சஞ்சாரம் நிகழ்கிறது. இந்த மாதத்தில் உங்கள் வாழ்வில் ஏற்ற இறக்கங்களைத் தரும். இந்த நேரத்தில், உங்கள் தனிப்பட்ட வாழ்க்கையில் ஆரம்பத்திலிருந்தே உங்கள் செயல்களில் கவனமாக இருக்க வேண்டும். முடிந்தவரை அமைதியாக இருங்கள், உங்கள் மரியாதை மற்றும் மரியாதை பாதிக்கப்படலாம்.
யாருடைய எதிர்மறை விளைவு உங்கள் படத்தில் தெரியும். ஆரோக்கியமும் மென்மையாக இருக்கும், இதன் காரணமாக நீங்கள் மன அழுத்தத்தை அனுபவிப்பீர்கள். இந்த நேரத்தில், உங்கள் தந்தையுடனான உங்கள் உறவும் சற்று பதட்டமாக இருக்கலாம்.
உங்களுக்கு என்ன திசை நடக்கிறது? எப்படி வழிபட்டால் நல்ல பலன் பெறலாம்
கும்ப புரட்டாசி மாத ராசிபலன்
கும்ப ராசிக்கு இந்த மாதம் கலவையான பலன்கள் கிடைக்கும். உங்கள் ராசிக்கு 8ம் வீட்டில் சூரிய பகவானின் சஞ்சாரம் நடக்கிறது. உங்களின் பலம், புத்தி இரண்டிலும் தொல்லை ஏற்படலாம். அதாவது உங்கள் ஆரோக்கியம், செயல்பாட்டில் சில பிரச்சினைகள் உண்டாகலாம். இந்த மாதத்தில் யாருடனும் வாக்குவாதம் செய்ய வேண்டாம்.
ஆரோக்கிய விஷயத்திலும், பயணத்தின் போதும் நீங்கள் மிகவும் கவனமாக இருக்க வேண்டும். இந்த மாதத்தில் உங்களுக்கு தலை தொடர்பான பிரச்சனைகள் உண்டாகலாம். இது மட்டுமின்றி, நிதி ரீதியாகப் பார்த்தால், செலவுகள் உங்களைக் கவலையடையச் செய்யும். எனவே உங்கள் செலவுகளைக் கட்டுப்படுத்துங்கள்.
மீனம் புரட்டாசி மாத ராசிபலன்
மீன ராசிக்கு சூரியன் 7ம் வீட்டில் சஞ்சரிப்பதால் சில பிரச்னைகளை சந்திக்க வேண்டியது இருக்கும். உங்கள் வாழ்க்கைத் துணை மற்றும் குழந்தைகளின் ஆரோக்கியத்தில் சிறப்பு கவனம் செலுத்த வேண்டும்.
உங்கள் குடும்ப உறவில் சில ஈகோ பிரச்னை ஏற்படலாம் என்பதால் நிதானத்துடன் நடந்து கொள்ளவும். இந்த மாதம் திருமண முயற்சியில் ஈடுபட்டுள்ளோருக்கு மிகவும் சாதகமற்றதாக இருக்கும்.
உங்கள் உத்தியோகத் துறையில் நீங்கள் விரும்பிய முடிவுகளைப் பெற கடினமாக உழைக்க வேண்டியது இருக்கும். ஒருவருடன் கூட்டு சேர்ந்து வேலை செய்பவர்கள் தங்கள் துணையுடன் தகராறு செய்யலாம். உங்களுக்கு வயிற்றில் பிரச்சினைகள் ஏற்படலாம் கவனம்.