நீரிழிவைக் கட்டுப்படுத்தும் போது என்ன சாப்பிடுகிறோமோ அதே அளவு தினசரி நீங்கள் என்ன குடிக்கிறீர்கள் என்பதும் முக்கியம். ஒரு சர்க்கரை பானம் இரத்த சர்க்கரை அளவை பாதிக்கும். ஏனெனில் மெல்லும் பொருட்களை விட திரவங்கள் மற்றும் கார்போஹைட்ரேட்டுகள் வேகமாக செரிக்கப்படுகின்றன, இதன் விளைவாக இரத்தத்தில் சர்க்கரையின் அளவு வேகமாக அதிகரிக்கிறது. உங்களுக்கு டைப் 2 நீரிழிவு நோய் இருந்தால், சோடாக்கள், குளிர்பானங்கள், ஆற்றல் பானங்கள், இனிப்பு தேநீர் மற்றும் பழச்சாறுகள் போன்ற அனைத்து சர்க்கரை பானங்களையும் தவிர்க்க வேண்டும். நீங்கள் அவற்றை குறைந்த சர்க்கரை, சர்க்கரை இல்லாத, பூஜ்ஜியம் அல்லது குறைந்த கலோரி பான விருப்பங்களுடன் மாற்ற வேண்டும்.
சரியான பானத்தைத் தேர்ந்தெடுப்பது உங்கள் அறிகுறிகளை நிர்வகிக்கவும் ஆரோக்கியமான எடையை பராமரிக்கவும் உதவும். சில புத்துணர்ச்சியூட்டும், ஆரோக்கியமான, நீரிழிவு நோய்க்கு ஏற்ற பானங்களை முயற்சிக்கவும். இந்த குறைந்த சர்க்கரை விருப்பங்கள் கூட மிதமாக உட்கொள்ளப்பட வேண்டும் என்பதை நினைவில் கொள்ளுங்கள்.
சர்க்கரை இல்லாத எலுமிச்சைப்பழம்
உங்கள் தாகத்தைத் தணிக்க, குறிப்பாக கோடை வெப்பத்தைத் தணிக்க, சர்க்கரை இல்லாத எலுமிச்சைப் பழ பானத்தை வீட்டிலேயே விரைவாகத் தயாரிக்கலாம். சில எளிய பொருட்களைப் பயன்படுத்தி, இந்த புத்துணர்ச்சியூட்டும் மற்றும் சுவையான குறைந்த கார்ப் பானத்தை நீங்கள் தயாரிக்கலாம். இந்த எளிய பானத்தை தயாரிக்க, குளிர்ந்த நீரில் எலுமிச்சை சாற்றை கலக்கவும். நீங்கள் சிறிது ஐஸ் சேர்த்து, சர்க்கரை இல்லாமல் அந்த பானத்தை அருந்தலாம் அல்லது சர்க்கரை இல்லாத இனிப்பானைத் தேர்வு செய்யலாம். வெள்ளை சர்க்கரைக்கு பதிலாக, நாட்டு சர்க்கரை, வெல்லம் மற்றும் தேனை தேர்வு செய்யலாம்.
மூலிகை தேநீர்
நீங்கள் தேநீர் பிரியர் என்றால், இனிக்காத தேநீரை மிதமான அளவில் உட்கொள்ளலாம். நீங்கள் பச்சை, கருப்பு, வெள்ளை அல்லது ஊலாங் தேநீர் போன்றவற்றை தேர்வு செய்யலாம். கிரீன் டீ ஆரோக்கியத்தில் நேர்மறையான விளைவைக் கொண்டிருப்பதாக ஆராய்ச்சி காட்டுகிறது. அரை மில்லியனுக்கும் அதிகமான மக்களிடம் 2021 ஆம் ஆண்டு நடத்தப்பட்ட ஒரு பெரிய கூட்டு ஆய்வில், தினசரி பச்சை தேயிலை உட்கொள்வது வகை 2 நீரிழிவு நோயின் அபாயத்தைக் குறைக்கும் என்பதைக் கண்டறிந்துள்ளது.
சிறந்த தேநீர்கள்
புத்துணர்ச்சியூட்டும் திருப்பமாக, நீங்கள் உங்கள் சொந்த ஐஸ்கட் டீயை உருவாக்கலாம். அவற்றில் சில எலுமிச்சை துண்டுகளை சேர்க்கலாம். கெமோமில், செம்பருத்தி, இஞ்சி மற்றும் புதினா தேநீர் போன்ற மூலிகை தேநீர் விருப்பங்கள் நீரிழிவு நோயாளிகளுக்கு சிறந்த விருப்பங்கள். இனிக்காத மூலிகை தேநீரில் கார்போஹைட்ரேட்டுகள், கலோரிகள், சர்க்கரைகள் இல்லை. இது உங்கள் சர்க்கரை அளவை அதிகரிக்காது. மேலும் நோய் எதிர்ப்பு சக்தியை அதிகரிக்கும் ஆக்ஸிஜனேற்ற கலவைகள் நிறைந்துள்ளன.
இனிக்காத காபி
2019 ஆம் ஆண்டு ஆய்வுகளின்படி, காபி குடிப்பது சர்க்கரை வளர்சிதை மாற்றத்தை மேம்படுத்துவதன் மூலம் டைப் 2 நீரிழிவு நோயை உருவாக்கும் அபாயத்தைக் குறைக்க உதவும். உங்கள் காபியில் சர்க்கரை சேர்க்காமல் இருப்பதும், கருப்பாக இருக்க விரும்புவதும் முக்கியம். உங்கள் காபியில் பால், கிரீம் அல்லது சர்க்கரையைச் சேர்ப்பது பானத்தின் கலோரி எண்ணிக்கையை அதிகரிக்கும் மற்றும் இது உங்கள் இரத்த சர்க்கரை அளவை பாதிக்கும். காபியில் நீங்கள் சில இனிப்புகளைச் சேர்க்க விரும்பினால், குறைந்த கலோரி இனிப்புகள் உள்ளன. அவற்றை நீங்கள் குறைந்த அளவில் பயன்படுத்தலாம்.
காய்கறி சாறுகள்
பழச்சாறுகளில் சர்க்கரை அதிகம் இருப்பதால், நீங்கள் ஜூஸ் சாப்பிட விரும்பினால், அதற்குப் பதிலாக காய்கறி சாறுகளை மிதமாகத் தேர்வு செய்யலாம். வெளியில் இருந்து குடிப்பதற்குப் பதிலாக அல்லது பேக்கேஜ் செய்யப்பட்ட சாறுகளை உட்கொள்வதற்குப் பதிலாக, வீட்டிலேயே பிளெண்டரில் புதிய சாறு தயாரித்து அருந்தலாம்.
ஆய்வு என்ன கூறுகிறது?
ப்ரோக்கோலி மற்றும் வெள்ளரிக்காய் போன்ற காய்கறிகளை ஒன்றாக கலக்கலாம். ஏனெனில் இவை உங்கள் இரத்த சர்க்கரையில் பெரிய தாக்கத்தை ஏற்படுத்தாது. தக்காளி சாறு ஒரு ஆரோக்கியமான விருப்பம். சர்க்கரை நோயாளிகளுக்கு நல்லது. பிரிட்டிஷ் ஜர்னல் ஆஃப் நியூட்ரிஷனில் வெளியிடப்பட்ட ஆய்வின்படி, ஒரு மாதத்திற்கு ஒரு நாளைக்கு 1½ கப் தக்காளி சாறு குடிப்பதால், பருமனான பெண்களின் வீக்கம் குறைகிறது என்று தெரிவிக்கிறது.