மெலிந்து போன நடிகர்… கண் கலங்கி கட்டிப்பிடித்து முத்தம் கொடுத்த மோகன் லால்!
பிரபல நடிகர் சீனிவாசன் கடந்த 40 ஆண்டுகளாக மலையாள திரையுலகில் குணச்சித்திர நடிகர்களாக நடித்து ரசிகர்களின் விருப்பமானவர். அவருக்கு கதையாசிரியர், இயக்குனர் மற்றும் பாடலாசிரியர் போன்ற மற்ற முகங்களும் உண்டு.அவரது மகன்கள் வினீத் சீனிவாசன் மற்றும் தயான் சீனிவாசன் ஆகியோர் மலையாள திரையுலகில் இயக்குனர்கள் மற்றும் நடிகர்கள்.
சமீபகாலமாக நடிகர் சீனிவாசன் படங்களில் நடிப்பதை குறைத்து வருகிறார். ஏனெனில் அவர் கடந்த சில மாதங்களாக உடல் நலக்குறைவால் அவதிப்பட்டு வந்தார்.
இந்நிலையில் மலையாள நடிகர் சங்க கலை நிகழ்ச்சியில் சீனிவாசன் ஈடுபட்டார். அவரைச் சந்தித்ததும், அவருடன் பல படங்களில் பணியாற்றிய அவரது நெருங்கிய நண்பர்களான மோகன்லால் மற்றும் மம்முட்டி ஆகியோர் அவரை மகிழ்ச்சியுடனும் உற்சாகத்துடனும் வரவேற்றனர்.
அவரது மெலிதான தோற்றத்தால் சிறிது நேரத்தில் கண் கலங்கிய மோகன்லால், அவரைக் கட்டிப்பிடித்து கன்னத்தில் முத்தமிட்டார்.