தீவிர மருத்துவ சிகிச்சை தேவைப்படும் முன், இதயம் எப்போதும் சமிக்ஞைகளையும் எச்சரிக்கைகளையும் அனுப்புகிறது. ஆரோக்கியமான இதயம் ஆரோக்கியமான வாழ்க்கைக்கு முக்கியமாகும். எனவே ஆபத்து காரணிகள் மற்றும் இதய நிலையின் எச்சரிக்கை அறிகுறிகள் குறித்து ஒருவர் விழிப்புடன் இருக்க வேண்டும், இதனால் சரியான நேரத்தில் மருத்துவ தலையீடு மூலம் இதய பிரச்சினைகள் ஆபத்தானக் கட்டத்தை அடையும்முன் தடுக்க முடியும்.
இதயப் பிரச்சினைகளின் பொதுவான பிரச்சனை என்னவென்றால், ஆபத்தான நிலைக்குச் செல்வதற்கு முன் மக்கள் எச்சரிக்கைகளை அடையாளம் காண மாட்டார்கள். உலகளவில் இறப்புக்கான முக்கிய காரணங்களில் ஒன்றான இதய நோய்கள் ஒவ்வொரு ஆண்டும் 18 மில்லியன் உயிர்களைக் கொல்கின்றன. ஐந்தில் நான்குக்கும் மேற்பட்ட இருதய நோய் இறப்புகள் மாரடைப்பு மற்றும் பக்கவாதம் காரணமாக ஏற்படுகின்றன, மேலும் இந்த இறப்புகளில் மூன்றில் ஒரு பங்கு 70 வயதிற்குட்பட்டவர்களில் முன்கூட்டியே நிகழ்கிறது என்று WHO அறிக்கை கூறுகிறது.
இதய நோய் எதனால் வருகிறது?
ஒருவருக்கு இதய நோய் வருவதற்கு பல காரணங்கள் உள்ளன. ஆரோக்கியமற்ற உணவு, உடல் உழைப்பின்மை, புகையிலை பயன்பாடு மற்றும் அதிகப்படியான மது அருந்துதல் ஆகியவை இதற்குப் பின்னால் உள்ள முக்கிய காரணங்களாகும். உயர் இரத்த அழுத்தம், அதிகரித்த இரத்த குளுக்கோஸ், அதிகரித்த இரத்த கொழுப்பு, மற்றும் அதிக எடை மற்றும் உடல் பருமன் ஆகியவை சாத்தியமான ஆபத்து காரணிகளாகும். இதயப் பிரச்சினைகளின் புறக்கணிக்கப்படக்கூடாத அறிகுறிகள் என்னென்ன என்று மேற்கொண்டு பார்க்கலாம்.
மார்பு அசௌகரியம்
நீங்கள் இதை வழக்கமாக அனுபவிக்கும் ஒருவராக இருந்தால், வாயு அல்லது நெஞ்செரிச்சல் என்று கருதி அதை புறக்கணித்தால், நீங்கள் தவறாக நினைக்கிறீர்கள். சில நிமிட மார்பு அசௌகரியம், பல முறை கவனிக்கப்படாமல் போகும், உண்மையில் இது இதய ஆரோக்கியத்திற்கு மோசமான அறிகுறியாகும். இந்த அசௌகரியத்தை நீங்கள் உணர பல வழிகள் உள்ளன. சில நேரங்களில் உங்கள் மார்பில் ஒரு பெரிய பாறாங்கல் அமர்ந்திருப்பது போலவும், சில நேரங்களில் ஏதோ உங்களை உள்ளே கிள்ளுவது போலவும் தோன்றும்.
இடதுபக்கத்தில் வலி
இது மாரடைப்புக்கான பொதுவான அறிகுறியாகும். எந்த காரணமும் இல்லாமல், திடீரென்று ஒரு வலுவான வலி உங்கள் உடலின் இடது பக்கத்தில் வெளிப்பட்டால், அது சாதாரண வலி அல்ல, அது மாரடைப்பாக இருக்க அதிக வாய்ப்பு உள்ளது. இந்த அறிகுறியை புறக்கணிக்காதீர்கள் மற்றும் உடனடியாக மருத்துவ உதவியை எடுத்துக் கொள்ளுங்கள்.
இலேசான உணர்வு
இது வெறும் சோர்வு என்று எத்தனை முறை இந்த அடையாளத்தைப் புறக்கணிக்கிறோம். இதயம் என்று வரும்போது அவ்வாறு இருக்கக்கூடாது. பல காரணங்கள் உங்களை சமநிலையை இழக்கச் செய்யலாம் அல்லது சிறிது நேரம் மயக்கம் ஏற்படக்கூடும் என்றாலும், இதய பிரச்சினைகள் ஏற்படுவதற்கான சாத்தியக்கூறுகளை முழுமையாக நிராகரிக்க முடியாது.
தாடையில் வலி
இது இதய நோயின் மற்றொரு முக்கிய அறிகுறியாகும், இது பலருக்குத் தெரியாது அல்லது அவர்கள் அறிந்திருந்தாலும் கூட அவர்கள் அதை பல் பிரச்சினைகளுடன் தொடர்புபடுத்துகிறார்கள்.
மாரடைப்பில் தாடை அல்லது சில சமயங்களில் தொண்டைப் பகுதியில் வலி ஏற்படுவது முக்கியமாக இதயத்திலிருந்து இந்தப் பகுதிகளுக்குச் செல்லும் அழுத்தம் காரணமாகும்.
குறட்டை
குறட்டை சாதாரணமாக கருதப்படுகிறது. ஆனால் அது சத்தமாக மாறும்போது,அது தூக்கத்தில் மூச்சுத்திணறலாக இருக்கலாம் என்பதை நீங்கள் அறிந்திருக்க வேண்டும், இதில் நபர் தூக்கத்தின் போது மூச்சுத் திணறுகிறார். இந்த ஆபத்தான தூக்கக் கோளாறில் ஒரு நபரின் சுவாசம் மீண்டும் மீண்டும் இடைநிறுத்தப்பட்டு தொடங்குகிறது.