பாலக்கோதுமை தோசை

தேவையான பொருட்கள் :

கோதுமை மாவு – 1 கப்
பாலக்கீரை – 1 கட்டு
வெங்காயம் – 1
ப.மிளகாய் – 1
கறிவேப்பிலை – சிறிதளவு
மிளகாய் தூள் – அரை தேக்கரண்டி
ஆலிவ் ஆயில் – தேவையான அளவு
உப்பு – சுவைக்கு

செய்முறை :

• பாலக்கீரையை நன்றாக கழுவி பொடியாக நறுக்கி வைக்கவும்.

• வெங்காயம், ப.மிளகாயை பொடியாக நறுக்கி வைக்கவும்.

• ஒரு பாத்திரத்தில் கோதுமை மாவை போட்டு அதனுடன் பாலக்கீரை, வெங்காயம், பச்சைமிளகாய், உப்பு, கறிவேப்பிலை, மிளகாய் தூள், 2 ஸ்பூன் ஆலிவ் எண்ணெய், தேவையான அளவு தண்ணீர் சேர்த்து இட்லி மாவு பதத்தில் கலந்து, தோசை சுடவும்.

• சட்னி , ஊறுகாய், தொக்கு வகைகளுடன் பரிமாறவும்.

• பசலைக்கீரை தவிர மற்ற கீரைகளையும் பயன் படுத்தலாம்.