உக்ரைன் மீது ரஷ்யா மூன்றாவது மாதமாக போர் தொடுத்து வரும் நிலையில், இந்த போரில் உக்ரைன் அதிபர் விளாடிமிர் ஜெலன்ஸ்கியை கொல்லவும், சிறை பிடிக்கவும் ரஷியா முயற்சித்தது இப்போது அம்பலத்துக்கு வந்துள்ளது.
மேலும், உக்ரைன் மீது போர் தொடுத்ததில் இருந்து, அதிபர் விளாடிமிர் ஜெலன்ஸ்கியையும், அவரது குடும்பத்தினரையும் குறி வைத்து தலைநகர் கீவிற்கு தாக்குதல் குழுக்கள் வந்து இருக்கின்றன.
தொடர் தாக்குதல்
இதுபற்றி ராணுவ உளவுத்துறை மூத்த அதிகாரி ஒலெக்சிய் ஆரெஸ்டோவிச் தெரிவிக்கையில், முதல் நாள் இரவில் அதிபர் மாளிகை வளாகத்தின் அருகே துப்பாக்கிச் சண்டைகள் நடந்தன.
அதிபரும், அவரது உதவியாளர்களும் குண்டு துளைக்காத உடைகளையும், தாக்குதல் துப்பாக்கிகளையும் பெற்றனர். அனைவருக்கும் தானியங்கி துப்பாக்கிகள் வழங்கப்பட்டன என தெரிவித்தார்.
குற்றச்சாட்டு
இந்நிலையில், கிழக்கு உக்ரைனின் டான்பாஸ் பகுதியில் உள்ள உயிர்களை அழிக்க ரஷியா தன்னால் இயன்ற அனைத்தையும் செய்து வருவதாக உக்ரைன் அதிபர் விளாடிமிர் ஜெலன்ஸ்கி குற்றம் சாட்டி உள்ளார்.
உக்ரைன் மீதான தாக்குதல் தொடர்வதாக ரஷிய வெளியுறவு மந்திரி செர்ஜி லாவ்ரோவ் கூறி இருக்கிறார். உக்ரைனில் இருந்து 10 லட்சத்துக்கும் அதிகமானோரை வெளியேற்றி இருப்பதாவும் அவர் குறிப்பிட்டுள்ளார்.