என்னென்ன தேவை?
நண்டு – 500 கிராம்
வெங்காயம் -100 கிராம்
தக்காளி – 100 கிராம்
சீரகம் – 1 தேக்கரண்டி
சோம்பு – 1 தேக்கரண்டி
பூண்டு -5 பல்
மிளகு – 1 தேக்கரண்டி
மஞ்சள் தூள்- 1 தேக்கரண்டி
மிளகாய் தூள்- 2 தேக்கரண்டி
மல்லித்தூள்- 3 தேக்கரண்டி
கொத்தமல்லி -சிறிது
கறிவேப்பிலை- சிறிது
எப்படி செய்வது?
வெங்காயம் மற்றும் தக்காளியையும் பொடியாக நறுக்கிக் கொள்ள வேண்டும். பிறகு சீரகம், சோம்பு, பூண்டு மற்றும் மிளகு சேர்த்து அரைத்துக் கொள்ள வேண்டும். கடாயில் எண்ணெய் விட்டு வெங்காயம், தக்காளி வதக்கி பிறகு அரைத்த மிளகு, சீரகம், சோம்பு, பூண்டு சேர்த்து வதக்கி, மஞ்சள் தூள், மிளகாய் தூள், மல்லித்தூள் போட்டு நன்றாக வதக்க வேண்டும். பிறகு தண்ணீர், உப்பு சேர்த்து நன்றாக கொதித்த பிறகு நண்டை போட்டு மூடிவிட வேண்டும். நண்டு நன்றாக வெந்த பிறகு கொத்தமல்லி, கறிவேப்பிலை போட்டு இறக்கி மூடி வைக்க வேண்டும். சுவையான செட்டிநாடு நண்டு குழம்பு ரெடி.
