29.4 C
Chennai
Thursday, Jul 17, 2025
01 kambu curd rice
ஆரோக்கிய உணவு

சுவையான கம்பு தயிர் சாதம்

காலை வேளையில் தானியங்களில் ஒன்றான கம்புவை உணவில் சேர்த்து வந்தால், ஒரு நாளைக்கு தேவையான ஆற்றல் கிடைப்பதுடன், உடலும் வலிமையாக இருக்கும். அத்தகைய கம்பை எப்படி செய்வது என்று தெரியவில்லையா? அப்படியானால் தொடர்ந்து படியுங்கள்.

ஏனெனில் இங்கு மிகவும் ஈஸியான கம்பு தயிர் சாதம் ரெசிபியின் செய்முறை கொடுக்கப்பட்டுள்ளது. அதைப் படித்து முயற்சித்துப் பாருங்கள்.

தேவையான பொருட்கள்:

உடைத்த கம்பு – 1/2 கப்
தண்ணீர் – 4 கப்
தயிர் – 1 கப்
கேரட் – 2 1/2 டேபிள் ஸ்பூன் (துருவியது)
மாங்காய் – 1 டேபிள் ஸ்பூன் (பொடியாக நறுக்கியது)
கொத்தமல்லி – 2 டீஸ்பூன் (நறுக்கியது)
உப்பு – தேவையான அளவு

தாளிப்பதற்கு…

எண்ணெய் – 1 டீஸ்பூன்
கடுகு – 1/2 டீஸ்பூன்
கறிவேப்பிலை – சிறிது
பச்சை மிளகாய் – 1 (பொடியாக நறுக்கியது)
இஞ்சி – 1/4 இன்ச்

குறிப்பு: ஒருவேளை முழு கம்பு இருந்தால், அதனை நீரில் 15 நிமிடம் ஊற வைத்து, பின் மிக்ஸியில் போட்டு கொரகொரவென்று அரைத்து எடுத்துக் கொள்ளலாம்.

செய்முறை:

முதலில் உடைத்த கம்பை நீரில் நன்கு கழுவி, பின் அதனை குக்கரில் போட்டு, தண்ணீர் ஊற்றி, மிதமான தீயில் 4 விசில் விட்டு இறக்கிக் கொள்ள வேண்டும்.

விசிலானது போனதும், அதனை திறந்து, தண்ணீர் அதிகம் இருந்தால், மீண்டும் அடுப்பில் வைத்து, சற்று கெட்டியாகும் வரை கிளறி விட்டு இறக்கி, ஒரு பாத்திரத்தில் போட்டுக் கொள்ள வேண்டும்.

பின்பு அத்துடன் தயிர் சேர்த்து நன்கு கிளறி, பின் கேரட், கொத்தமல்லி, மாங்காய் சேர்த்து தேவையான அளவு உப்பு தூவி நன்கு கிளறி விட வேண்டும்.

பிறகு ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், தாளிப்பதற்கு கொடுத்துள்ள பொருட்களைப் போட்டு தாளித்து, கம்புடன் சேர்த்து கிளறினால், சுவையான கம்பு தயிர் சாதம் ரெடி!!!

Related posts

உங்களுக்கு தெரியுமா இந்த ஒரே ஒரு மூலிகை தண்ணீர் போது உடல் எடையை சீக்கிரமாக குறைக்க!

nathan

இதோ எளிய நிவாரணம்! மலச்சிக்கல் பிரச்சனையை தீர்க்கும் நார்ச்சத்து உணவுகள்

nathan

மிளகு வேர்க்கடலை சாதம்

nathan

ரம்ஜான் ஸ்பெஷல் நோன்பு கஞ்சி செய்ய தெரியுமா…?

nathan

ரத்தத்தில் சேரும் சர்க்கரையை குறைக்கும் கீரை

nathan

உங்களுக்கு தெரியுமா ஆப்பிள் சாப்பிட்ட பிறகு சாப்பிட கூடாத உணவுகள்

nathan

சாப்பிடக்கூடாத காய்கறிகள் என்னென்ன தெரியுமா?தெரிஞ்சிக்கங்க…

nathan

உங்க முகத்தை வைத்தே உங்களுக்கு பிறக்கப்போவது என்ன குழந்தைனு தெரிஞ்சுக்கனுமா?தெரிஞ்சிக்கங்க…

nathan

ஒரு சொட்டு எண்ணெய் இல்லாமல் தண்ணீரில் சுடலாம் ஹெல்த்தி பூரி!

nathan