தேவையான பொருட்கள்:
இட்லி – 4
முட்டை – 2
மிளகுப் பொடி – அரை ஸ்பூன்
பெரிய வெங்காயம் – 1
பச்சை மிளகாய் – 1
கொத்தமல்லி கறிவேப்பிலை – சிறிது
எண்ணெய் – 2 டீஸ்பூன்
உப்பு – தேவைக்கு.
செய்முறை :
• வெங்காயம், ப.மிளகாயை பொடியாக நறுக்கி கொள்ளவும்.
• இட்லியை நன்றாக உதிர்த்து வைத்து கொள்ளவும்.
• ஒரு வாணலியில் எண்ணெய் விட்டு சூடானதும் கறிவேப்பிலை, மிளகாய், வெங்காயம் போட்டு வதக்கவும்.
• முட்டையை சிறிது உப்பு, மிளகுத்தூள் சேர்த்து நன்கு அடித்து வதக்கிய வெங்காயத்தில் சேர்க்கவும். அடுப்பை சிம்மில் வைத்து முட்டை வேகும் வரை நன்கு கிளறவும்.
• முட்டை வெந்தவுடன் உதிர்த்த இட்லியை சேர்க்கவும். அடுப்பை மிதமான தீயில் வைத்து 5 நிமிடம் நன்கு பிரட்டி விட்டு நறுக்கிய கொத்தமல்லி இலை தூவி இறக்கவும்.
• சுவையான முட்டை இட்லி உப்புமா ரெடி. காலையில் மீதியான இட்லியை குழந்தைகளுக்கு இப்படி மாலையில் செய்து கொடுக்கலாம்.
