மட்டன் பிரியர்களுக்கான எளிய முறையில் செய்யக்கூடிய மிகவும் சுவையான ஆத்தூர் மட்டன் மிளகு கறி செய்வது எப்படி என்று பார்க்கலாம்.
ஆத்தூர் மட்டன் மிளகு கறி
தேவையான பொருட்கள் :
மட்டன் – அரை கிலோ
வெங்காயம் – 2
தக்காளி – 2
மஞ்சள் தூள் – 1/2 ஸ்பூன்
சின்ன வெங்காயம் – 100 கிராம்
இஞ்சி – பூண்டு விழுது – 1/2 ஸ்பூன்
எண்ணெய் – தேவையான அளவு
உப்பு – தேவையான அளவு
புதினா, கொத்தமல்லி, சிறிதளவு
மசாலாவுக்கு :
மிளகு – 1 ஸ்பூன்
சீரகம் – 1 ஸ்பூன்
சோம்பு – 1/2 ஸ்பூன்
வரமிளகாய் – 4
மல்லித்தூள்(அ)முழு மல்லி – 1 ஸ்பூன்
பட்டை – 1
கிராம்பு – 2
முந்திரி – ஐந்து
ஏலக்காய் – 3
தேங்காய் – அரை மூடி
இஞ்சி – நெல்லிக்காய் அளவு
பூண்டு – 10 பல்
செய்முறை :
* வெங்காயம், புதினா, கொத்தமல்லி, சின்ன வெங்காயம், தக்காளியை பொடியாக நறுக்கி கொள்ளவும்.
* மட்டனை சுத்தம் சிறிய துண்டுகளாக வெட்டிக்கொள்ளவும்.
* முதலில் மசாலாவுக்கு கொடுக்கப்பட்டுள்ள மிளகு, சீரகம், சோம்பு, வரமிளகாய், மல்லித்தூள்(அ)முழு மல்லி, பட்டை, கிராம்பு, முந்திரி, ஏலக்காய், தேங்காய், இஞ்சி, பூண்டு என அனைத்தையும் சிறிது தண்ணீர் சேர்த்து நன்கு நைசாக அரைத்து கெள்ளவும்.
* ஒரு பாத்திரத்தில் சுத்தம் செய்த மட்டன், மஞ்சள் தூள், உப்பு, வெங்காயம், தக்காளி, அரைத்த மசாலாவை சேர்த்து நன்கு பிசைந்து அரை மணி நேரம் ஊறவைக்கவும்.
* குக்கரை அடுப்பில் வைத்து சூடானதும் எண்ணெயை ஊற்றி எண்ணெய் காய்ந்ததும், சின்ன வெங்காயத்தை போட்டு நன்றாக வதக்கவும்.
* வெங்காயம் நன்றாக வதங்கியதும் அதில் இஞ்சி – பூண்டு விழுது சேர்த்து நன்கு வதக்கி அதனுடன் ஊற வைத்த மட்டன் கலவையையும் சேர்த்து சிறிது நேரம் நன்கு வதக்கவும்.
* சிறிது தண்ணீர் ஊற்றி குக்கரை மூடி 5 விசில் போட்டு வேக விடவும்.
* விசில் போனவுடன் குக்கரை திறந்து அடுப்பில் வைத்து ஒரு கொதி வந்தவுடன் புதினா கொத்தமல்லி தழை தூவி இறக்கவும்.
* ஆத்தூர் மட்டன் மிளகு கறி ரெடி.