தேவையான பொருட்கள்:
முட்டை – 3
கேரட் – 1
மிளகு – 1 மேசைக்கரண்டி
உப்பு – தேவைக்கேற்ப
கடலை எண்ணெய் – 1 மேசைக்கரண்டி
செய்முறை:
• கேரட்டை துருவிக் கொள்ளவும்.
• மிளகை பொடித்து கொள்ளவும்.
• முட்டையின் வெள்ளைக்கருவை மட்டும் தனியாக எடுத்து வைக்கவும்.
• ஒரு பாத்திரத்தில் முட்டையின் வெள்ளைக்கருவை ஊற்றி அதில் கேரட், உப்பு, பாதி மிளகுதூள் போட்டு நன்கு அடித்துக்கொள்ளவும்.
• தோசைக்கல்லை அடுப்பில் வைத்து சூடானவுடன், பாதி எண்ணெய் ஊற்றி அடித்து வைத்த முட்டைக் கலவையை பரவலாக ஊற்றி அதன் மேல் மீதி எண்ணெயை பரவலாக ஊற்றவும்.
• அடுப்பை மிதமாக எரியவிடவும்.
• கலவை தீய்ந்து போகாத அளவிற்கு வேகவிட்டு, திருப்பி போடவும்.
• இருபுறமும் நன்கு வெந்தவுடன் மேலே மீதி மிளகுதூளை தூவி கொள்ளவும்.
• விருப்பப்பட்டால் ரொட்டித்துண்டுகளில் வெண்ணைய் தடவி, துண்டுகளாக்கிய ஆம்லெட்டை இடையில் வைத்து உண்ணலாம்.