ஏ.ஆர்.முருகதாஸ் இயக்கத்தில் சூப்பர் ஸ்டார் ரஜினிகாந்த் நடித்து பொங்கலுக்கு வெளியான படம் தான் தர்பார். படம் தோல்வி, அதற்கு பிறகு பெரிய பஞ்சாயத்து. இந்த சண்டை பஞ்சாயத்து எல்லாம் கத்தி படம் முதல் முருகதாஸ் சந்தித்து கொண்டுதான் இருக்கிறார்.
இவர் பல பேட்டிகளில், தல அஜித்தை வைத்து படம் எடுக்க என்னிடம் கதை தயாராக இருக்கிறது, அவர் ஓகே சொன்னா மட்டும் போதும் என்று 90’s கிட்ஸ்களுக்கு நினைவு தெரிஞ்சதுலேந்து ஏ.ஆர். முருகதாஸ் கூறிக்கொண்டே இருக்கிறார்.
ஆனால் இவர் கூறாத ஒரு விஷயம் இணையதளத்தில் வைரலாக உலவுகிறது. முருகதாஸ், இயக்குனர் எஸ் ஜே சூர்யாவிடம் உதவி இயக்குனராக பணியாற்றினார் என்பது தான் எல்லோருக்கும் தெரியும். ஆனால் முருகதாஸ் அதற்கு முன்பே உதயசங்கர் என்கிற இயக்குனரோடு பணிபுரிந்துள்ளார்.
உதயசங்கர் இயக்கிய பூச்சூடவா என்னும் படத்தில் முருகதாஸ் ஓரிரண்டு காட்சிகள் வந்து கூட சென்றிருக்கிறார். பூச்சூடவா படத்தில் அப்பாஸ் நாகேஷ் சிம்ரன் ஆகியோர் நடித்திருந்தனர்.இவர் நடித்த அந்த காட்சி இணையதளத்தில் தற்போது மிகவும் வைரலாக உலவிக் கொண்டிருக்கிறது.