இஷ்டப்பட்ட ஆடையை அணிய முடியவில்லையே என்ற ஏக்கம் இருந்தாலும் உயிருக்கே கேடு விளைவிக்கக்கூடியது என்ற பயம் தான் தொப்பையை எப்படியாவது குறைத்திட வேண்டும் என்று எண்ணத்தோன்றுகிறது.
நம்முடைய வாழ்க்கை முறை மாற்றம், உணவுப் பழக்கம் தான் முக்கியக் காரணமாக இருக்கிறது.
குறிப்பாக அடி வயிற்றில் தங்கியிருக்கும் கொழுப்பை கரைக்க, இதனை பின்பற்றி வந்தால் நல்ல மாற்றத்தை காணமுடியும்.
டண்டிலியன் இலை டீ
தொப்பையில் அளவுக்கு அதிகமான தண்ணீர்ச் சத்து இருக்கும். முதலில் அதனை குறைக்க வேண்டும். அதற்கு இந்த டாண்டிலியன் டீ பயன்படும்.
டாண்டிலியன் இலையில் டீ தயாரித்துக் குடித்தால் அது அதிகமாக சிறுநீர் கழிக்க வைத்திடும்.
இதன்மூலமாக வயிற்றுப்பகுதியில் இருக்கும் கொழுப்பு கரைவதுடன் உடலில் இருக்கும் தேவையற்ற நச்சுக்கள் வெளியேற்றப்படுகிறது.
தண்ணீர்: தினமும் குறைந்தது 78 டம்ளர் தண்ணீர் குடித்தால், உடல் வறட்சியில்லாமல் இருப்பதோடு, உடலில் தங்கியிருக்கும் நச்சுக்கள் அனைத்தும் வெளியேறிவிடும்.
மேலும் அவ்வப்போது சீரான இடைவெளியில் தண்ணீர் குடித்தால், உடலின் மெட்டபாலிசமானது அதிகரிக்கும். இதனால் வயிற்றைச் சுற்றி காணப்படும் பெல்லியும் குறைந்துவிடும்.
வாழைப்பழம் அல்லது ஆப்பிள்
தொப்பையைக் குறைக்க வேண்டுமானால் தினமும் உடற்பயிற்சி செய்ய வேண்டும். அப்படி உடற்பயிற்சி செய்வதன் முன் வாழைப்பழம் அல்லது ஆப்பிள் சாப்பிட பரிந்துரைக்கப்படுகிறது.
எடையை வேகமாக குறைக்க வேண்டுமானால் உடற்பயிற்சியுடன் டயட்டையும் இணைத்துப் பின்பற்ற வேண்டும்.
பழங்களை வெறும் வயிற்றில் சாப்பிட்டால் உடல் எடை அதிகரிக்காது. மாறாக அது உடலின் மெட்டபாலிசத்தை அதிகரித்து, உடல் எடை குறையத் தான் உதவும்.
எனவே ஸ்நாக்ஸ் சாப்பிடும் நேரங்களில், கண்டதை சாப்பிடாமல், பழங்களை சாப்பிடுங்கள். இதனால் பழங்கள் எடை குறையத் தூண்டும். அதிலும் வாழைப்பழம், ஆப்பிளில் இரும்புச்சத்து உள்ளது. இவை தொப்பையைக் குறைக்க அவசியமான சத்தாகும். இப்படி செய்தால் ஒரே நாளில் சிறந்த மாற்றத்தினை உணர முடியும்.
சீக்கிரம் இரவு உணவை உண்பது
- தட்டையான வயிற்றுப் பகுதியை பெற இதுவும் ஒரு முக்கியமான செயலாகும்.
- படுக்கைக்கு போவதற்கு 3 மணி நேரத்திற்கு முன் உணவை உண்டால் அவை படுப்பதற்குமுன்பே செரித்துவிடும்.
- இதனால் படுக்கும் போது வயிற்றில் செரிக்கப்படாத உணவேதும் இருக்காது.
- இவ்வாறு செரிக்கப்படாத உணவு வயிற்றிலேயே இருந்தால் அவைஅதிக அளவு கொழுப்பை நமது வயிற்றுப்பகுதியில் சேர்த்து விடும் மற்றும் தொப்பையை உண்டாக்கும்.