தேவையான பொருட்கள் :
- மஷ்ரூம் – கால் கிலோ
- பெரிய வெங்காயம் – 3
- தக்காளி – 2 (நடுத்தரமான அளவு)
- பூண்டு – 10 பற்கள்
- இஞ்சி – ஒரு துண்டு
- கொத்தமல்லி, புதினா இலை – சிறிது
- பச்சை மிளகாய் – 5
- மல்லித் தூள் – ஒரு தேக்கரண்டி
- மஞ்சள் தூள் – சிறிது
- எண்ணெய், உப்பு – தேவைக்கேற்ப
- நெய் – 2 தேக்கரண்டி
- சீரகம் – ஒரு தேக்கரண்டி
செய்முறை :
- மஷ்ரூமைச் சுத்தம் செய்து சிறு துண்டுகளாக நறுக்கி வைக்கவும்.
- பூண்டு மற்றும் இஞ்சியைப் பொடியாக நறுக்கிக் கொள்ளவும்.
- பச்சை மிளகாயுடன் கொத்தமல்லி மற்றும் புதினா இலைகளைச் சேர்த்து அரைத்து வைக்கவும்.
- தக்காளி, வெங்காயத்தை பொடியாக நறுக்கி வைக்கவும்.
- கடாயை அடுப்பில் வைத்து எண்ணெய் ஊற்றி சூடானதும் நறுக்கிய 2 பெரிய வெங்காயத்தை நறுக்கி வதக்கவும். நன்கு வதங்கியதும் அதனுடன் 2 தக்காளியையும் சேர்த்து வதக்கி, மஞ்சள் தூள் மற்றும் மல்லித் தூள் சேர்த்து மிக்சியில் போட்டு விழுதாக அரைத்துக் கொள்ளவும்.
- வாணலியில் சிறிது எண்ணெய் விட்டு கடுகு தாளித்து, பொடியாக நறுக்கிய வெங்காயம் போட்டு வதக்கவும்.
- பிறகு பூண்டு மற்றும் இஞ்சியைச் சேர்த்து சிவக்க வதங்கவிடவும்.
- நன்றாக வதங்கியதும் மஷ்ரூம் துண்டுகளைச் சேர்த்து 5 நிமிடங்கள் வதக்கவும்..
- வதங்கிய பிறகு வெங்காயம், தக்காளி விழுதை ஊற்றி, தேவையான அளவு உப்பு போட்டு கொதிக்கவிடவும்.
- லேசாகக் கொதித்ததும் பச்சை மிளகாய் விழுதை ஊற்றி, உப்பு சரிபார்த்து மீண்டும் கொதிக்கவிடவும்.
- நன்றாகக் கொதித்து பிரட்டல் பதத்திற்கு வந்ததும், கடாயில் நெய் விட்டு சீரகம் தாளித்துச் சேர்த்துப் பிரட்டி இறக்கவும்.
- சூடான, சுவையான மஷ்ரூம் தொக்கு ரெடி.