மாலையில் பள்ளியில் இருந்து வரும் குழந்தைகளுக்கு ரா கிச்சடி செய்து கொடுத்தால் விரும்பி சாப்பிடுவார்கள். இன்று இந்த ரவா கிச்சடியை செய்வது எப்படி என்று பார்க்கலாம்.
மாலை நேர டிபன் ரவா கிச்சடி
தேவையான பொருட்கள் :
ரவை – 250 கிராம்,
பச்சைப் பட்டாணி (தோல் உரித்தது) – ஒரு கப்,
கேரட் – ஒன்று,
இஞ்சி – ஒரு சிறிய துண்டு,
பச்சை மிளகாய் – ஒன்று,
வெங்காயம் – 1
மஞ்சள்தூள் – கால் டீஸ்பூன்,
வறுத்த முந்திரிப்பருப்பு – 10,
நெய் – 50 மில்லி,
உப்பு – தேவையான அளவு.
செய்முறை:
* வெங்காயம், கேரட், ப.மிளகாய், இஞ்சியை பொடியாக நறுக்கி கொள்ளவும்.
* வாணலியில் நெய் விட்டு ரவையை பொன்னிறமாக வறுக்கவும்.
* கடாயை அடுப்பில் வைத்து நெய் ஊற்றி சூடானதும் வெங்காயம், ப.மிளகாய், இஞ்சியை போட்டு நன்றாக வதக்கவும்.
* அடுத்து அதில் பட்டாணி, மஞ்சள் தூள், கேரட்டை சேர்த்து வேகும் வரை வதக்கவும்.
* காய்கள் வெந்தவுடன் தேவையான அளவு தண்ணீர்(ஒரு பங்கு ரவைக்கு இரு பங்கு என்ற அளவில்) ஊற்றி கொதி வந்தவுடன் ரவையை சேர்த்து கலக்கவும்.
* தேவையான உப்பு சேர்த்து, அனைத்து நன்றாக வெந்ததும் கிளறி இறக்கவும்.
* மேலே வறுத்த முந்திரிப்பருப்பு தூவி பரிமாறவும்.
* சூப்பரான மாலை நேர டிபன் ரவா கிச்சடி ரெடி.