கோடைகாலத்தில் உடலுக்கு குளிர்ச்சி தரக்கூடிய பழங்களை அதிகம் சேர்த்து கொள்வது உடலுக்கும் மிகவும் நல்லது. இந்த வகையில் இன்று கிவி, புதினா சேர்த்து ஜூஸ் செய்யலாம்.
கோடையில் குளுகுளு கிவி – புதினா ஜூஸ்
தேவையான பொருட்கள் :
கிவி – 1
ஆப்பிள் – 1
தேன் – தேவைக்கு
புதினா – சிறிதளவு
ஐஸ்கட்டிகள் – தேவைக்கு
செய்முறை :
* கிவிப் பழத்தின் தோலை எடுத்துவிட்டு மிக்சியில் நைசாக அரைத்துக்கொள்ளவும்.
* ஆப்பிள் பழத்தை சிறு துண்டுகளாக நறுக்கி (தோல் எடுக்கவேண்டாம்) மிக்சியில் நைசாக அரைக்கவும்.
* புதினா இலைகளுடன் சிறிது தண்ணீர் சேர்த்து நைசாக அரைத்துக்கொள்ளவும்.
* அரைத்து வைத்துள்ள மூன்று ஜூஸ்களையும் ஒன்றாக சேர்த்து மீண்டும் ஒருமுறை மிக்சியில் போட்டு அதனுடன் தேன், ஐஸ்கட்டிகள் சேர்த்து ஒரு சுற்று சுற்றவும்.
* அரைத்த ஜூஸை கண்ணாடி கப்பில் ஊற்றி பரிமாறவும்.
* குளுகுளு கிவி – புதினா ஜூஸ் ரெடி.
* கிவியில் வைட்டமின் ‘சி’ அதிகம் உள்ளது.