குழந்தைகள் மதியம் பள்ளியில் சாப்பிட மிகவும் சத்தானது முட்டைகோஸ் – பட்டாணி சாதம். இன்று இந்த சாதத்தை எப்படி செய்வது என்று பார்க்கலாம்.
முட்டைகோஸ் – பட்டாணி சாதம்
தேவையான பொருட்கள் :
பாஸ்மதி அரிசி சாதம் – 4 கப்
முட்டை கோஸ் – 400 கிராம்
வெங்காயம் – 1
பச்சை பட்டாணி – 50 கிராம்
குடமிளகாய் – 1
எண்ணெய் – 2 தேக்கரண்டி
நெய் – 1 தேக்கரண்டி
சோம்பு – 1 தேக்கரண்டி
பச்சை மிளகாய் – 2
புதினா – சிறிது
மிளகுத்தூள் – 1 தேக்கரண்டி
மஞ்சள் தூள் – கால் தேக்கரண்டி
கறிவேப்பிலை – சிறிது
உப்பு – தேவைக்கேற்ப
சிகப்பு மிளகாய்த் தூள் – 1 தேக்கரண்டி
செய்முறை :
* முட்டைகோஸை துருவிக்கொள்ளவும்.
* வெங்காயம், ப.மிளகாய், குடமிளகாயை பொடியாக நறுக்கி கொள்ளவும்.
* வாணலியில் எண்ணெய்விட்டு காய்ந்ததும் சோம்பு, கறிவேப்பிலை போட்டு தாளித்த பின் பச்சைமிளகாய், வெங்காயம் சேர்த்து வதக்கவும்.
* வெங்காயம் நன்றாக வதங்கிய பின்னர், பச்சைப்பட்டாணி, குடமிளகாய் சேர்த்து நன்கு வதக்கவும்.
* பின்னர், மெல்லியதாக துருவிய முட்டை கோஸை சேர்த்து நன்கு மொற மொறவென வரும்வரை வதக்கவும் ( குழைய கூடாது).
* பின்னர் அதில் உப்பு, சிகப்பு மிளகாய்த் தூள் சேர்த்து வதக்கவும்.
* பின்னர், வடித்து வைத்துள்ள பாஸ்மதி அரிசியை சேர்த்து அத்துடன் மிளகுத்தூள், நெய், புதினா இலைகளைத் தூவி சாதம் உடையாதவாறு பக்குவமாக கிளறி இறக்கவும்.
* முட்டை கோஸ் – பட்டாணி சாதம் தயார். 