முளைகட்டிய தானியங்களில் அதிகளவு சத்துக்கள் நிறைந்துள்ளது. அனைத்து முளைகட்டிய நவதானியங்களை வைத்து சத்தான ஒரு சூப் செய்வது எப்படி என்று பார்க்கலாம்.
சத்தான முளைகட்டிய நவதானிய சூப்
தேவையான பொருட்கள் :
முளைகட்டிய பயறுகள் – ஒரு கப்,
வெங்காயம் – ஒன்று,
பூண்டு – 2 பல்,
சீரகம் – ஒரு டீஸ்பூன்,
தனியா – ஒரு டேபிள்ஸ்பூன்,
மிளகு – காரத்துக்கேற்ப,
கொத்தமல்லி தழை – தேவையான அளவு,
எலுமிச்சைச் சாறு – ஒரு டேபிள்ஸ்பூன்,
தேங்காய்ப் பால் – அரை கப்,
புளிக்காத கெட்டி தயிர் – அரை கப்,
உப்பு – தேவையான அளவு.
செய்முறை :
* முளைகட்டிய பயறுகளை வேகவைத்துக் கொள்ளவும்.
* மிக்ஸியில் வெங்காயம், பூண்டு, தனியா, சீரகம், மிளகு, கொத்தமல்லி தழை, வேக வைத்த பயறு கொஞ்சம் எடுத்து போட்டு நன்கு அரைத்துக் கொள்ளவும்.
* கடாயில் எண்ணெயை ஊற்றி சூடானதும் அரைத்த விழுதைப் போட்டு பச்சை வாசனை போகும் வரை வதக்கி, அதனுடன் மீதமுள்ள வேக வைத்த பயறை சேர்த்து வதக்கி, தண்ணீர் ஊற்றி கொதிக்க விடவும்.
* தேவையான அளவு உப்பு சேர்க்கவும்.
* அடுப்பை சிறு தீயில் வைத்து, தேங்காய்ப் பால் சேர்த்து, கொதி வரும் போது அடுப்பை அணைத்துவிடவும்.
* பரிமாறுவதற்கு முன் எலுமிச்சை சாறு, நன்கு அடித்த கெட்டித் தயிரை சேர்த்து கப்பில் ஊற்றி, நறுக்கிய கொத்தமல்லி தழை தூவி பரிமாறவும்.
* சத்தான முளைகட்டிய நவதானிய சூப் ரெடி.