சத்தான பாலக் சப்பாத்தி

தேவையான பொருட்கள்:
கோதுமை மாவு – 2 கப்,
நெய் – ஒரு டேபிள்ஸ்பூன்,
உப்பு – அரை டீஸ்பூன்,
எண்ணெய், நெய் கலவை – தேவையான அளவு.
அரைக்க:
பசலைக்கீரை (பாலக்) – ஒரு கட்டு,
பச்சை மிளகாய் – 3,
இஞ்சி – ஒரு துண்டு,
உப்பு – சிறிதளவு.

செய்முறை:
* பசலைக்கீரையை சுத்தம் செய்து கழுவி, பச்சை மிளகாய், இஞ்சி சேர்த்து குக்கரில் ஒரு விசில் வைத்து இறக்குங்கள்.
* விசிலைத் தூக்கி பிரஷரை வெளியேற்றிவிட்டு, குக்கரைத் திறந்து ஆறியதும், அவற்றை நன்கு அரைத்து அதனுடன் கோதுமை மாவு, உப்பு, நெய் சேர்த்துப் பிசைந்து, வழக்கம் போல சப்பாத்திகளாகத் திரட்டி, தோசைக்கல்லில் சுட்டெடுங்கள்.
* சுவையான சத்தான பாலக் சப்பாத்தி ரெடி.