நவராத்திரிக்கு கொலு பார்க்க வருபவர்களுக்கு ஜவ்வரிசி வடை செய்து கொடுத்து அசத்தலாம்.
நவராத்திரி ஸ்பெஷல் ஜவ்வரிசி வடை
தேவையான பொருட்கள் :
ஜவ்வரிசி – 1 கப்
உருளைக்கிழங்கு 3 நடுத்தர அளவு
பொடித்த வேர்கடலை 1/2 கப்
பச்சை மிளகாய் – 2
வெங்காயம் – 2
உப்பு – தேவைக்கு
சீரகம் – 1/2 டீஸ்பூன்
கொத்தமல்லி – தேவையான அளவு
எலுமிச்சை சாறு – 1 தேக்கரண்டி
எண்ணெய் – பொரிக்க
செய்முறை :
* வெங்காயம், ப.மிளகாய், கொத்தமல்லியை பொடியாக நறுக்கி கொள்ளவும்.
* ஜவ்வரிசியை 3 மணி நேரம் ஊற வைக்கவும்.
* உருளைக்கிழங்கை வேகவைத்து மசித்து கொள்ளவும்.
* ஒரு பாத்திரத்தில் ஊறவைத்த ஜவ்வரிசி, மசித்த உருளைக்கிழங்கு, பொடித்த வேர்க்கடலை, நறுக்கிய வெங்காயம், ப.மிளகாய், உப்பு, கொத்தமல்லி, சீரகம், எலுமிச்சை சாறு அனைத்தையும் போட்டு நன்றாக கலந்து கொள்ளவும்.
* கடாயில் எண்ணெய் ஊற்றி சூடானதும் மாவை வடைகளாக தட்டி எண்ணெயில் போட்டு பொரித்து எடுக்கவும்.
* சுவையான ஜவ்வரிசி வடை ரெடி.