கருப்பு உளுந்தில் அதிகளவு சத்துக்கள் நிறைந்துள்ளது. கருப்பு உளுந்து, சாமையை வைத்து கஞ்சி செய்வது எப்படி என்று பார்க்கலாம்.
சத்தான கருப்பு உளுந்து சாமை கஞ்சி
தேவையான பொருட்கள் :
சாமை அரிசி – 1 கப்
உளுத்தம் பருப்பு – 1 கப் (தோலுடன்)
பூண்டு – 10 பற்கள்
வெந்தயம் – ½ தேக்கரண்டி
உப்பு – தேவையான அளவு
காய்ச்சிய பால் – ½ லிட்டர்
தண்ணீர் – 5 கப்
செய்முறை :
* உளுத்தம் பருப்பு, சாமையை நன்றாக சுத்தம் செய்து கழுவி வைக்கவும்.
* குக்கரில் உளுத்தம் பருப்பு, சாமையை போட்டு தண்ணீர் 5 கப் ஊற்றி பூண்டு, வெந்தயம், உப்பு சேர்த்து குக்கரை மூடி வைத்து 5 விசில் வைக்கவும்.
* பிரஷர் போனதும் குக்கர் மூடியை திறந்து வெந்த உளுந்து, சாமையுடன் காய்ச்சிய பால் சேர்த்து 5 நிமிடம் மிதமான தீயில் கொதிக்க விட்டு இறக்கவும்.
* சத்தான கருப்பு உளுந்து சாமை கஞ்சி ரெடி!!!!!!!!