எளிமையான முறையில் அப்பளக் குழம்பு செய்து எப்படி

குழம்பு செய்ய காய்கறிகள் இல்லாத போது இந்த திடீர் அப்பள குழம்பை செய்து அசத்தலாம். இதை எப்படி செய்வது என்று பார்க்கலாம்.

எளிமையான முறையில் அப்பளக் குழம்பு செய்து எப்படி
தேவையான பொருட்கள் :

புளி – நெல்லிக்காய் அளவு,
அப்பளம் – 5,
கடுகு – ஒரு டீஸ்பூன்,
வெந்தயம் – ஒரு டீஸ்பூன்,
கடலைப்பருப்பு – ஒரு டீஸ்பூன்,
காய்ந்த மிளகாய் – ஒன்று,
சாம்பார் பொடி – 2 டீஸ்பூன்,
மிளகாய் தூள் – அரை ஸ்பூன்
எண்ணெய் – 4 டீஸ்பூன்,
உப்பு – தேவையான அளவு
சின்ன வெங்காயம் – 10
தக்காளி – 1

செய்முறை :

* தக்காளி, வெங்காயத்தை பொடியாக நறுக்கி கொள்ளவும்.

* அப்பளத்தை துண்டுகளாக வெட்டி வைக்கவும்.

* புளியை நன்றாக கரைத்துகொள்ளவும்.

* ஒரு கடாயை அடுப்பில் வைத்து எண்ணெய் ஊற்றி சூடானதும் அதில் வெங்காயத்தை போட்டு நன்றாக வதங்கிய பின்னர் தக்காளியை போட்டு வதக்கவும்.

* தக்காளி நன்றாக வதங்கிய பின்னர் சாம்பார் பொடி, மிளகாய் தூள் சேர்த்து வதக்கிய பின் புளி கரைசலை ஊற்றி நன்றாக கொதிக்க விடவும்.

* நன்றாக கொதிக்கும் போது உப்பு சேர்க்கவும்.

* மற்றொரு கடாயை அடுப்பில் வைத்து எண்ணெய் ஊற்றி சூடானதும் வெந்தயம், காய்ந்த மிளகாய், கடலைப்பருப்பு தாளித்த பின் வெட்டி வைத்துள்ள அப்பளத்தை போட்டு சிறிது வதக்கி கொதித்து கொண்டிருக்கும் குழம்பில் சேர்த்து 5 நிமிடம் அடுப்பை மிதமான தீயில் வைத்து இறக்கவும்

* சுவையான அப்பளக் குழம்பு ரெடி.

* குழம்பு வைக்க காய்கறிகள் இல்லாத நேரத்தில் இந்த அப்பளக் குழம்பு பெரிதும் உதவும். செய்வதும் சுலபமானது.