அமிதாப் பச்சன் இந்தியத் திரையுலகைப் பிரதிநிதித்துவப்படுத்தும் நடிகர். இவர் தற்போது பிரபாஸ் நடிக்கும் “புராஜெக்ட் கே” படத்தில் நடித்து வருகிறார். அமிதாப் பச்சன் வேலை தொடர்பான விஷயங்கள் மற்றும் முக்கிய நிகழ்வுகள், விவரங்கள் மற்றும் புகைப்படங்கள் உள்ளிட்டவற்றை அவ்வப்போது தனது ரசிகர்களுடன் சமூக ஊடகங்களில் பகிர்ந்துகொள்வது புதிதல்ல.
இந்நிலையில் அவர் சமூக வலைதளங்களில் இந்தியில் “பாரத் மாதா கி ஜெய்” என்று குறிப்பிட்டுள்ளார். இது ரசிகர்கள் மத்தியில் அதிர்ச்சியை ஏற்படுத்தியது. மத்திய அரசின் முடிவை ஆதரிப்பதற்காக அமிதாப் பச்சனை இணையவாசிகளும் விமர்சித்தனர்.
குடியரசு தலைவர் மாளிகை தரப்பில் அனுப்பிய ஜி-20 உச்சி மாநாட்டிற்கான அழைப்பிதழில் இந்திய குடியரசுத் தலைவர் என்பதற்குப் பதிலாக பாரத் குடியரசுத் தலைவர் என அச்சிடப்பட்டிருந்தது. ஏற்கனவே, சிறப்பு பாராளுமன்ற கூட்டம் கூட்டப்படும் என மத்திய அரசு அறிவித்துள்ளது. இதனால் இந்தியா என்ற பெயரை பாரத் என மாற்றப்படலாம் என உறுதிப்படுத்தப்படாத தகவல் வெளியாகியுள்ளது.