என்னென்ன தேவை?
துண்டுகளாக நறுக்கிய வெள்ளை பூசணி – 1 1/2 கப்,
கீறிய பச்சை மிளகாய் – 1,
புளி – எலுமிச்சைப்பழ அளவு,
பொடித்த வெல்லம் – 1 டீஸ்பூன்,
மஞ்சள்தூள் – 1/4 டீஸ்பூன்,
உப்பு – தேவைக்கு,
எண்ணெய் – 1 டீஸ்பூன்.
வறுத்து அரைக்க…
பச்சரிசி – 2 டேபிள்ஸ்பூன்,
வெந்தயம் – 1/2 டீஸ்பூன்,
காய்ந்த மிளகாய் – 2,
பெருங்காயத்தூள் – 1 சிட்டிகை.
தாளிக்க…
தேங்காய் எண்ணெய் – 1 டீஸ்பூன்,
கடுகு – 1 டீஸ்பூன்,
கறிவேப்பிலை – சிறிது.
எப்படிச் செய்வது?
புளியை 10 நிமிடம் ஊற வைத்து 1 கப் அளவுக்கு எடுத்து கொள்ளவும். அரிசி களைந்து வடிகட்டி வைக்கவும். கடாயை சூடாக்கி அரிசியையும் வெந்தயத்தையும் வாசனை வரும் வரை வறுக்கவும். அதனுடன் காய்ந்த மிளகாயை வறுத்து சூடு ஆறியதும் நைஸாக அரைத்துக் கொள்ளவும். பூசணிக்காயுடன் புளிக்கரைசல் மற்றும் 1 கப் தண்ணீர் ஊற்றி, மஞ்சள்தூள், உப்பு, பச்சை மிளகாய், பெருங்காயத்தூள் சேர்த்து மிதமான தீயில் கொதிக்க விட்டு வேக வைக்கவும். பின் வெல்லம் சேர்த்து 3 முதல் 4 நிமிடம் வரை வேக வைக்கவும். வறுத்த பொடியை 1 கப் தண்ணீரில் கலந்து அதையும் சேர்க்கவும். எல்லாம் சேர்ந்த கலவையை 3-4 நிமிடம் மிதமான தீயில் வைத்து கொதித்தபின் இறக்கி, சிறிது எண்ணெயை சூடாக்கி கடுகு சேர்த்து வெடித்ததும் கறிவேப்பிலை சேர்த்து தாளித்து, அதை கலவையுடன் சேர்க்கவும்.
