தேவையானபொருள்கள்
மட்டன் கறி – முக்கால் கிலோ
டால்டா – 200 கிராம்
மைதா மாவு – 2 1/2 கப்
ஏலம் – 3
பட்டை – 3
கிராம்பு – 3
இஞ்சி – ஒரு துண்டு
வெங்காயம் – 4 பெரியது
தேங்காய் – ஒன்று
மிளகாய்த்தூள் – ஒரு தேக்கரண்டி
புதினா – ஒரு கட்டு
பூண்டு – 3
தக்காளி – 4
பச்சைமிளகாய் – 10
மல்லித்தூள் – ஒரு தேக்கரண்டி
மஞ்சள்தூள் – சிறிதளவு
மல்லிக்கீரை – ஒரு சிறியகட்டு
செய்முறை
*முதலில் மாவை கொஞ்சம் உப்புத் தண்ணீர் ஊற்றி கெட்டியாகப் பிசைந்து ரொட்டி போல் மெல்லிசாக வார்த்து கத்தியால் சதுரமாக சிறுசிறு துண்டுகளாக வெட்டி காய வைக்கவும்.
*நன்கு காய்ந்த பிறகு அவற்றை எடுத்து வைத்துக் கொள்ளவும்.
*இஞ்சியையும், பூண்டையும் நன்கு மைப் போல் அரைத்துக் கொள்ளவும்.
*ஒரு பாத்திரத்தை அடுப்பில் வைத்து டால்டாவை அதில் போட்டு சூடானதும் வெங்காயத்தை நறுக்கிப் போட்டு வெங்காயம் சிவக்க வதக்கவும்.
*அதில் அரைத்து வைத்திருக்கும் இஞ்சி, பூண்டு ஆகியவற்றையும் ஏலம், பட்டை, கிராம்பையும் போட்டுக் கிளறவும்.
*இதனுடன் கறி, பச்சைமிளகாய், தக்காளி, மஞ்சள் தூள், மல்லித்தூள், மிளகாய்த்தூள் ஆகியவற்றையும் போட்டு தேவையான உப்பும் போட்டு ஓர் ஆழாக்குத் தண்ணீர் ஊற்றி புதினாவும் மல்லிக்கீரையும் போட்டு வேக வைக்கவும்.
*ஒரு தேங்காயைத் துருவி அதில் முதல் பால் எடுத்து அடுப்பில் வைத்து கொதிக்க வைக்கவும். நன்கு கொதித்ததும் காய வைத்திருக்கும் ரொட்டித் துண்டுகளைக் கொட்டி கிளறி விட்டு அவற்றை எடுத்து கறி குருமாவில் கொட்டி தம்மில் வைத்து இறக்கவும்.
* இப்போது சுவையான ரொட்டி கறி குருமா தயார்.
