இப்போதுள்ள காலகட்டத்தில் தொப்பையை குறைக்க ஜிம்முக்கு செல்பவர்கள் தான் அதிகம். ஜிம்முக்கு போக நேரம் இல்லாதவர்கள் வீட்டில் இருந்தபடியே சில எளிய உடற்பயிற்சிகளை செய்து வந்தால் நல்ல பலன் கிடைக்கும்.
அந்த வகையில் வீட்டில் செய்யக்கூடிய எளிய பயிற்சியை பார்க்கலாம். முதலில் சுவற்றிற்கு அருகில் படுத்துக்கொள்ளவும். தலை முதல் கால் வரை தரையில் இருக்கும்படியும், கால்கள் சுவற்றில் இருக்கும் படியும் (படத்தில் உள்ளபடி) படுக்கவும்.
கால்களை மடக்கால் சுவற்றில் நேராக நீட்டவும். பின்னர் மெதுவாக முன்புறமாக எழுந்து வலது கையால் இடது கால் பாதத்தை தொட வேண்டும். பின்னர் இடது கையால் வலது கால் பாதத்தை தொட வேண்டும்.
இவ்வாறு ஆரம்பத்தில் ஒவ்வொரு கால்களுக்கும் 20 எண்ணிக்கையில் செய்தால் போதுமானது. பின்னர் நன்கு பழகிய பின்னர் 30 முறை செய்யலாம். இந்த பயிற்சி முதலில் செய்யும் போது மிகவும் கடினமாக இருக்கும். ஆனால் விரைவில் நல்ல பலன் தரக்கூடியது.
இந்த பயிற்சியை தொடர்ந்து 3 மாதம் செய்து வந்தால் உங்கள் தொப்பை சற்று குறைந்திருப்பதை காணலாம். முதுகு வலி உள்ளவர்கள், வயிற்றில் அறுவை சிகிச்சை செய்து கொண்டவர்கள் இந்த பயிற்சியை செய்ய கூடாது.